തീര്ത്ഥകണങ്ങള് പോലെയാവണം വാക്കുകള് . ഓംകാരവഴിയിലൂടെ ഇറ്റി വീഴുന്ന കണങ്ങള് . ഒന്ന് ചേര്ന്നൊരു നനുത്ത മഴയായ് നമ്മളിലേയ്ക്ക് നിപതിച്ചത്. ഒരു തുറന്ന വിതാനത്തിലേയ്ക്ക് കയറിയിരിയ്ക്കുന്നയെന്നിലേയ്ക്ക് ഒരു രാമഴയായാണത് പെയ്തത് . ഒരു വെളിപാട് മഴ. എനിയ്ക്ക് പിന്നീടൊന്നും മറച്ചു വെയ്ക്കേണ്ടതായി വന്നിട്ടില്ല. സുഹൃത്തിനെയും ദ്വേഷിയെയും ഞാന് ഒരേപോലെ ..... യാത്രയങ്ങിനെ സുഗമമായിരുന്നു . ഇന്നലെയും ഒരു മഴ പെയ്തു . കടുത്ത വാക്കുകള് ചരടറുത്ത് വിട്ട പെരുമഴ . പക്ഷെ അത് മുഴുവന് തുപ്പലായിരുന്നു. ഉമിനീര്ഗ്രന്ഥിയുടെ വൃത്തികെട്ട വെളുത്ത പാട . അതെന്നില് ഇനിയുംവീഴുംമുന്പെനിയ്ക്കീ രാജ്യം വിടണം . ഈ രാജ്യമുപേക്ഷിക്കണം.