സഹയാത്രികര്‍

Saturday, August 14, 2010

ഇസ്ലാം-കുറിപ്പുകള്‍

ചരിത്രത്തിന്റെ
ഇടനാഴികകളില്‍
വലിച്ചിഴക്കപ്പെടുന്നു നീ.
**** **** ****

ഒരു വന പുഷ്പത്തിന്റെ
ഗന്ധം വഹിച്ച മന്ദമാരുതന്‍
നീ .
നിന്റെ നിര്‍മ്മല തലങ്ങള്‍
അനുഭവിച്ചറിയേണ്ടത് .
**** **** ****

കൈകൊള്ളേണ്ടതും
കൈയൊഴിയെണ്ടതും
പിറന്ന മണ്ണിനോട് ചേര്‍ന്ന് .
*** **** ****

അയല്‍ക്കാരന്റെ
ദു:സ്വപ്നങ്ങളില്‍
നീ വിട്ടയക്കപ്പെട്ട
ദൂതനാവാതിരിക്കുക.
*** *** ***

ചെന്നായ്ക്കളുടെ കണ്ണിന്
വിരുന്നായ്‌ നിലകൊണ്ടും
ഒരു ജന്മം
നീ പിഴുതെറിയുകയാണ്.
ഇപ്പോള്‍
നിന്നിലേക്ക്‌
സംക്രമിക്കുന്ന
നികൃഷ്ട സിദ്ധാന്തങ്ങള്‍
കാരണം
ഒരു സുവര്‍ണ്ണ ഗോളം
ചിതറി തെറിച്ച്
തന്മാത്രകള്‍
സ്വയം ചുറ്റുകയാണ്.
ചുറ്റികൊണ്ടിരിക്കുകയാണ്.

പൊടിഞ്ഞു തീരുന്നതും
അലിഞ്ഞു ചേരുന്നതും
പിന്നെയൊന്നായ്
കുതിക്കുന്നതും
നമ്മളൊന്നായൊറ്റക്കുടക്കീഴിലാവാം .

5 comments:

ജുവൈരിയ സലാം said...

ഇസ്ലാമിന്റെ മഹത്തായ സിദ്ദാന്തങ്ങൾ ഇന്ന് മോശമായി ചിത്രീകരിക്കുന്ന പ്രവണതയാണല്ലോ കവിത അതിൽനിന്നും ഒരു മാറ്റം വളരെ നന്നായി ആശംസകൾ

പ്രദീപ്‌ പേരശ്ശന്നൂര്‍ said...

ഹൃദ്യം

anoop said...

കാലം അത്രമേല്‍ ആവശ്യപ്പെടുന്നത്

Pranavam Ravikumar a.k.a. Kochuravi said...

>>> അയല്‍ക്കാരന്റെ
ദു:സ്വപ്നങ്ങളില്‍
നീ വിട്ടയക്കപ്പെട്ട
ദൂതനാവാതിരിക്കുക.
<<<

കവിത നന്നായി....

ഓണാശംസകള്‍!

ആയിരത്തിയൊന്നാംരാവ് said...

കൊള്ളാം കേട്ടോ ..ഓണാശംസകള്‍