Monday, December 19, 2011
ഏകാകി
എന്റെ കണ്ണിലേയ്ക്കൊന്നു നോക്കൂ ...
ഏകാന്തതയുടെ സാഗരം കാണുന്നില്ലേ .
വര്ണ്ണമില്ലാത്ത സാഗരം .
പച്ചപ്പിന്റെ സമൃദ്ധിയില് ,
ഈ നിഗൂഡവനത്തില് ,
ഇലവീഴാ പൂഞ്ചിറയ്ക്കരുകില്
സമാധിയില് ഞാന് .
വംശനാശം സംഭവിച്ചെന്നു
മനുഷ്യന് പറയുന്നു .
എന്റെ ജീവിതമൊടുക്കിയവന് ....
ഇണയെ വേര്പിരിച്ചവന്..
കുലദ്രോഹി ...
കാറ്റടിക്കുന്ന നിമിഷങ്ങളില് ,
മഴയുടെ രുദ്രതാളങ്ങളില് ,
വേനലിലെ പകല്മയക്കങ്ങളില്,
അടിവയറ്റില് ഒരു നോവ് പടരും....
കുളിര്ജലത്തില് എന്റെ മുഖം നോക്കുമപ്പോള് ഞാന്.
അപാരതയില് കണ്ണെറിയും ഞാന്,
സമാധിയിലമരും .
ഇനി നിങ്ങള്ക്കെന്റെ ചിത്രങ്ങളെടുക്കാം..
Thursday, December 15, 2011
ടി . പത്മനാഭന്
ഗൌരി
----------
നൂറ്റാണ്ടുകളുടെ പഴക്കമുണ്ട്
നിന്നിലൂടെയുള്ള യാത്രയ്ക്ക്.
ഗോപാല്പുരിയിലെ കടല്,
ബാഗ്മതീ തീരത്തെ എരിയുന്ന ചിത ,
ഞാനെന്നെ വിവസ്ത്രയാക്കുകയാണ് .
കാറ്റ് കൊള്ളുമ്പോള്
കടല് ചെരുക്കില്ല .
ബാഗ്മതീ തീരത്തെ ആളുന്ന ചിതയില്
എരിയുന്നത് എന്റെ മനസ്സാണ് .
നിന്നോടോട്ടുന്ന നിമിഷത്തില്
ഞാന് സനാഥ .
പൊക്കിള്കൊടി വേര്പെട്ട,
എന്നില് നിന്നൂര്ന്ന രക്താംശം
നിഷേധിക്കപ്പെട്ട സകല യാഥാര്ത്യങ്ങളും
നിന്റെ കരവലയത്തില് ...
ഞാനെന്നും ദുഖിതയാണ് ...
ഞാനെന്നും സനാഥയാണ് ..
കടയനെല്ലൂരിലെ സ്ത്രീ
---------------------------
വിഷാദമെന്തിന്?
അവള് ചോദിക്കുന്നു.
കനല് മൊത്തി
ചുണ്ട് കരിഞ്ഞ പ്രണയിനി .
കണ്ണിലെ വരണ്ട സ്വപ്നങ്ങളില് കൂടി
എന്റെ ഹൃദയത്തിനു കുരുക്കിട്ടവള്.
അവള് ഒരു സ്ത്രീയാണ് .
വികാരവതി.
സ്നേഹിക്കപ്പടേണ്ടവള്...
പ്രകാശം പരത്തുന്ന പെണ്കുട്ടി.
--------------------------------------------
ഒരു മന്ദസ്മിതം മതിയായിരുന്നു
എന്നിലെ കാറ്റൊതുങ്ങാന് .
എന്നില് അലകളായി
പടര്ന്നു കയറുകയായിരുന്നു
പ്രതീക്ഷകള് നിറഞ്ഞ മനസ്സിലേയ്ക്ക്.
പൊട്ടിച്ചിരിയിലും , കാത്തിരിപ്പിലും
അമൃതം തേച്ചത്.
പ്രതീക്ഷകളില് പ്രകാശ ഗോപുരങ്ങള് .
ഞാനപ്പോള് ജീവിക്കാന് കൊതിക്കുകയായിരുന്നു .
ഗൌരി
----------
നൂറ്റാണ്ടുകളുടെ പഴക്കമുണ്ട്
നിന്നിലൂടെയുള്ള യാത്രയ്ക്ക്.
ഗോപാല്പുരിയിലെ കടല്,
ബാഗ്മതീ തീരത്തെ എരിയുന്ന ചിത ,
ഞാനെന്നെ വിവസ്ത്രയാക്കുകയാണ് .
കാറ്റ് കൊള്ളുമ്പോള്
കടല് ചെരുക്കില്ല .
ബാഗ്മതീ തീരത്തെ ആളുന്ന ചിതയില്
എരിയുന്നത് എന്റെ മനസ്സാണ് .
നിന്നോടോട്ടുന്ന നിമിഷത്തില്
ഞാന് സനാഥ .
പൊക്കിള്കൊടി വേര്പെട്ട,
എന്നില് നിന്നൂര്ന്ന രക്താംശം
നിഷേധിക്കപ്പെട്ട സകല യാഥാര്ത്യങ്ങളും
നിന്റെ കരവലയത്തില് ...
ഞാനെന്നും ദുഖിതയാണ് ...
ഞാനെന്നും സനാഥയാണ് ..
കടയനെല്ലൂരിലെ സ്ത്രീ
---------------------------
വിഷാദമെന്തിന്?
അവള് ചോദിക്കുന്നു.
കനല് മൊത്തി
ചുണ്ട് കരിഞ്ഞ പ്രണയിനി .
കണ്ണിലെ വരണ്ട സ്വപ്നങ്ങളില് കൂടി
എന്റെ ഹൃദയത്തിനു കുരുക്കിട്ടവള്.
അവള് ഒരു സ്ത്രീയാണ് .
വികാരവതി.
സ്നേഹിക്കപ്പടേണ്ടവള്...
പ്രകാശം പരത്തുന്ന പെണ്കുട്ടി.
------------------------------
ഒരു മന്ദസ്മിതം മതിയായിരുന്നു
എന്നിലെ കാറ്റൊതുങ്ങാന് .
എന്നില് അലകളായി
പടര്ന്നു കയറുകയായിരുന്നു
പ്രതീക്ഷകള് നിറഞ്ഞ മനസ്സിലേയ്ക്ക്.
പൊട്ടിച്ചിരിയിലും , കാത്തിരിപ്പിലും
അമൃതം തേച്ചത്.
പ്രതീക്ഷകളില് പ്രകാശ ഗോപുരങ്ങള് .
ഞാനപ്പോള് ജീവിക്കാന് കൊതിക്കുകയായിരുന്നു .
Thursday, December 8, 2011
ചാവുകടല്
തിരയടങ്ങിയ നാളുകളാവും ഇനി .
ദാഹാര്ത്തയായി തീരുകയാണോ ഞാനും!!
എന്റെ ദാഹം എന്നെത്തന്നെ
കുടിച്ചു വറ്റിച്ചതാണോ!
തീരത്തോട് യാത്ര പറഞ്ഞു കഴിഞ്ഞിരിക്കുന്നു .
എത്തിപിടിക്കാന് ഇനി കഴിയില്ല .
മണല്തീരങ്ങള് കഴിഞ്ഞ്
പശിമയിലേക്ക് വഴുതുകയാണ്.
എന്നോ എന്നിലേക്കാഴ്ന്ന
ഒരു പടക്കപ്പലിന്റെ അവശിഷ്ടം ,
അടിത്തട്ടില് ശ്വാസം മുട്ടി മരിച്ച
മത്സ്യ കന്യകയുടെ മുടിച്ചുരുള് .
ഭാവിയില് ഞാനൊരു പ്രദര്ശനശാല ആയേക്കും.
എന്നിലേക്ക് കടുംനിറത്തില് ചേര്ന്നിരുന്ന
ഒരു നദിയുണ്ടായിരുന്നു.
നഗരത്തിന്റെ തള്ളിച്ചയില്
അവള് പര്വതത്തില് തന്നെ
ആത്മഹത്യ ചെയ്തത്രേ !
ഇനി ഒരു മടക്കമില്ല ,
വിശ്രാന്തിയുടെ മയക്കങ്ങളില്
ഇടവേളകളില്ലാതെ ,
ആ പ്രണവമന്ത്രത്തിന്റെ
നേരൊലികളില് വറ്റി തീരുകയാണ് ഞാന്.
Tuesday, December 6, 2011
ഒളിച്ചുവെക്കുന്നത്
കാട്ടിലലഞ്ഞപ്പോള്
എനിയ്ക്കൊന്നും മറയ്ക്കാനില്ലായിരുന്നു.
നാടിന്റെ വിശാലതയില്
ഇന്ന് ഞാന്
നൂറു വസ്ത്രങ്ങളണിഞ്ഞ
നഗ്നനായിരിക്കുന്നു .
ഓരോ തുറിച്ചുനോട്ടങ്ങളിലും ,
ചോദ്യങ്ങളിലും
ഞാന് പൂര്ണ നഗ്നനായ്
നിലകൊള്ളേണ്ടി വന്നു .
എന്റെ പൌരുഷത്തിലേയ്ക്കായിരുന്നു
അവരുടെ ചുഴിഞ്ഞുനോട്ടം .
ഒരു ഞെട്ടലില്
ഞാന് മനസ്സിലാക്കി.
അവിടം ശൂന്യമായിരുന്നു.
നിമ്നമായോരവസ്ഥ .
അപ്പോള് ഞാനിത്രനാള് ലാളിച്ചിരുന്നത് !!!
ചന്ദ്രക്കല
പൂര്ണ്ണമായ്
ഉദിച്ചുയരേണ്ടതായിരുന്നു .
ഒരിയ്ക്കലും വിരിയാത്ത
ഒരു പൂമൊട്ടിന്റെ
വിങ്ങല് പോലെ
ആകാശക്കോണില്
സര്വ്വര്ക്കും ദൃഷ്ടിഗോചരമായ്
അപമാനിതനായ -
തങ്ങനെ നിലകൊണ്ടു .
കഴിഞ്ഞതും, വരാനുള്ളതും,
നഷ്ടമായ്
ഇന്നിന്റെ തെരുവോരത്ത്
അതങ്ങിനെ ... അങ്ങിനെ ....
Saturday, December 3, 2011
നഗ്നശരീരം
എന്റെ ശബ്ദം മാറിയ
കൌമാരത്തിലായിരുന്നു
ചുണ്ടോട് ചുണ്ട് ചേര്ത്തവള്
വിറകൊണ്ട് പറഞ്ഞത് .
"നിന്റെ ശബ്ദം ഞാനെടുത്തിരിക്കുന്നു .
ഇനി നിന്റെ ശബ്ദമുയരണമെന്നും"
അടുത്തിടെയായുള്ള
എന്റെയമറലലില് കൂടി
ഞാനവളുടെ ശബ്ദം
അപഹരിച്ചതവളറിഞ്ഞില്ല ....
അവന്
കാവ്യബിംബങ്ങള്
തേടിയലയുകയായിരുന്നത്രേ!
യാത്രകളില്
അതവന് കിട്ടികൊണ്ടിരുന്നോ ?
യഥാര്ത്ഥത്തില്
എന്താണവന് തേടിയിരുന്നത് ?
ഉടഞ്ഞ ബിംബങ്ങള്
കണ്മുന്പില് കാണാഞ്ഞിട്ടാണോ
ഈയലച്ചില് .
ദൂരെയൊരു കിളി കരഞ്ഞത് ,
ഒരു കൂട് തകര്ന്നത് ,
കണ്മുന്പിലെ നിഴല്രൂപങ്ങള്
പൂര്ണ്ണ ബിംബമായത് ,
നാട്ടുവഴിയിലെ
പുളിമരകൊമ്പില്
ജീവസത്ത കനച്ചു നിന്നത് ,
അവനറിഞ്ഞില്ലത്രെ !!
അവനെന്നും യാത്രയിലായിരുന്നല്ലോ !
ബിംബങ്ങള് തേടിയുള്ള
യാത്രയില് .
ഒടുവില് അവന് എന്ത് കണ്ടുവോ ആവോ !!
Wednesday, November 30, 2011
മനുഷ്യനായതില്!!!!!
അണപൊട്ടിയൊഴുകുന്നു .
ജനരോഷമാണെടോ !!
തല തല്ലികീറുന്നു .
ഉള്ഭീതിയാണെടോ !!
കൊടുംകാറ്റു വീശുന്നു .
നിശ്വാസമാണെടോ !!
ശുംഭനെന്നോതുന്നു .
സ്വയംതന്നെയാണെടോ !!
ജനരോഷമാണെടോ !!
തല തല്ലികീറുന്നു .
ഉള്ഭീതിയാണെടോ !!
കൊടുംകാറ്റു വീശുന്നു .
നിശ്വാസമാണെടോ !!
ശുംഭനെന്നോതുന്നു .
സ്വയംതന്നെയാണെടോ !!
Wednesday, November 23, 2011
ആത്മഹത്യയുടെ സുഗന്ധം
കാറ്റിനു സുഗന്ധം ആണ് .
എന്റെ കണ്പോളകളിലതമരുന്നു .
ഇഞ്ചിനീരിന്റെ വീറും ,ശൂരും
മണ്ണിന്റെ ജീവശ്വാസം .
അതെന്റെ നെഞ്ചിലേക്കും
തലച്ചോറിലേക്കും വീതുളിയുടെ
മൂര്ച്ചപോലെ താഴുന്നു.
കഴുത്തുലഞ്ഞ കതിര്ക്കുലകള്
എന്റെ നോട്ടമേല്ക്കാനാവാതെ...
കുടിയേറിയ മണ്ണിന്റെ
പ്രാകൃതത്തിലേറ്റ കിളയ്ക്കലോ !!
നോട്ടമയഞ്ഞ പ്രാകൃതമായ
ഇന്നിന്റെ കഴിവുകേടിലോ !!
വയനാടന് കാറ്റിന്റെ
താളക്രമത്തില്
ചുരമിറങ്ങുന്ന ജീവനുകള് .
മണ്ണിലേക്ക് കൊയ്തു വീഴുന്ന
ജഡങ്ങള്ക്കൊപ്പം
കാവലിരിക്കുന്നത്
ഇന്ന് കോടമഞ്ഞും, നിശ്വാസങ്ങളും.
Saturday, November 12, 2011
മാറ്
ഇന്ന് പ്രദര്ശന വസ്തുവാണ് .
നിഷ്കളങ്കമായ
ചിന്തകളില്
കാറ്റും വെയിലും കൊണ്ടിരുന്നയിടം .
ചുഴിഞ്ഞ നോട്ടങ്ങളിലത്
കൈമറയ്ക്കുള്ളിലൊതുങ്ങി.
പുരോഗമനത്തില്
അതൊരു റൌക്കക്കെട്ടായി .
കാല്ത്തള്ളവിരലില്
കെട്ടഴിക്കാന്
സവര്ണ്ണ മേധാവിത്വം ..
ധീരയുടെ
മാററുക്കലില്
ആശ്ലീലകരം പോലും
ചോരയില് അസ്തമിച്ചു.
ഇന്ന് പ്രദര്ശനമേളകള് ആണ് .
" എന്റെ മാറൊന്നാവതാവണം"
"എന്റെ മാറ് ലോകം വാഴ്ത്തണം "
ഒരു പാല്നീരിന്
ചുടുനിശ്വാസങ്ങള്
പുഴപോലൊഴുകിയയിട-
മിന്നു വറ്റിവരണ്ടശാന്തമായ് ..
Friday, October 21, 2011
പ്രശാന്തി നിലയങ്ങള്
അടഞ്ഞു കിടന്ന മന്ദിര കവാടത്തിനു നേരെ
അടിവെച്ചടിവെച്ച് ആരൊക്കെയോ!
തുറക്കാത്ത വാതിലുകള്ക്ക് മുന്പില്
മുട്ടിയുഴലുന്നോര് .
വായില് നിറഞ്ഞ കരിഞ്ചണ്ടി തുപ്പി
വറവ്മണങ്ങള് തേടിയവര്.
കാറ്റത്തുലയുന്ന ജീവജഡങ്ങള് .
പ്രശാന്തി നിലയത്തില് മണി മുഴങ്ങി .
കാറ്റഴിച്ചുവിട്ടപോലെ അന്തേവാസികള്
പിറവിയെ പ്രാകിക്കൊണ്ട് നീങ്ങി .
നീലമഷി ഞരമ്പുകളില്
ജീവന് വിലാപയാത്രയിലെ പോല്
ചത്തുകിടന്നു .
മണി മുഴങ്ങുന്നതെന്നും
ഓരോര്മ്മപ്പെടുത്തലാണ്.
പക്ഷെ മണി മുഴങ്ങുന്നതാര്ക്ക് വേണ്ടി !!
Tuesday, October 18, 2011
തുമ്പിയുടെ ജഡം
കാല്കീഴില് അരഞ്ഞു പോവുന്നതിനു മുന്പ് തന്നെ
ഞാനാ ജഡം കണ്ടെത്തിയിരുന്നു.
ഒരു തുമ്പിയുടെ ജഡം .
ഫാനിന്റെ ഇളംകാറ്റില് ഇളകുന്നത് ,
ആഹ്ലാദചിത്തരായ ഉറുമ്പുകളുടെ
ആനയിക്കലില് ചലിക്കുന്നത്,
വെളുത്ത ഉടലും, ചിറകും ഉള്ളത് ...
ചിറകില് തൂക്കി ജനല് വഴിയോരേറ്,
വിരലറ്റത്ത് ചെറിയ തിളക്കം .
പൂവിന്റെ ഹൃദയവും ,
കാറ്റിന്റെ വേഗവും ,
ഇലയുടെ പച്ചയും,
ഏകാന്തതയുടെ ഉയിര്പ്പും ,
എന്നിലേക്ക് സംക്രമിച്ചുകൊണ്ടിരിക്കുന്നത്
ഞാന് വ്യക്തമായ് അറിഞ്ഞുകൊണ്ടിരുന്നു...
Sunday, October 2, 2011
ഞാന് എരിഞ്ഞടങ്ങുന്നു
ചിതയെരിയുന്നു
ഹൃദയാശംസകള് നേരുന്നാരോ ..!!
ഒരു മാവിന് ചിതയില്
എരിഞ്ഞടങ്ങുന്നു .
ഞാനും എന്റെ ചിന്തകളും
എന്റെ കലഹങ്ങളും ...
ഒരു നോവ് എന്നിലെക്കെയ്തു വീഴുന്നു
ഒരമ്പ്.
മാവിന് കൊമ്പിലതു പിടയുന്നു .
ജ്വാലകള് ഉണരുന്നു.
ഏതൊരു നിശ്വാസം എന്നെ തേടി വരുന്നു .
മാപ്പിരക്കുന്നു.
ഒരു തീജ്വാലയിലതു മറയുന്നു.
ഒരു വിഷാദം എന്നിലേക്കമരുന്നു
ധൂമമായ് വിട്ടകലുന്നു.
നിന്റെ ഹൃദയത്തിന് തണുപ്പായ്
തുള്ളി വീഴുന്നവസാനമായ്
ഒരു കുടത്തിന് നീര്ത്തുള്ളികള് ....
തൃപ്തനായ് ഞാന്.
അക്ഷരങ്ങളേ നിങ്ങളും !!
അക്ഷരങ്ങളെയാണല്ലേ നീയിഷ്ടപ്പെട്ടത് .
അതെപ്പോഴാണ് ഞാന് അറിഞ്ഞത്.
ഈ ഹൃദയവും , ശരീരവും
നിന്നെ ഉന്മത്തയാക്കിയില്ലെന്നോ .
നീ ചുരണ്ടിയെടുത്തതെന്റെയക്ഷരങ്ങളെ .
എനിക്കനുഭവപ്പെട്ടതെന്റെ
ഹൃദയത്തില് .
ഒരു പോറലില് ഒരായിരം വിലാപങ്ങള് .
മടക്കയാത്രയില്
ഒതുക്കുകല്ലില്
ഇടറിവീണയെന്റെ
അക്ഷരത്തുണ്ട്
ഞാന് കൊടുത്തുവിടുന്നു .
എന്റെ ശ്വാസം അതില് പുരളാതിരിക്കാന്
ഞാന് ശ്രദ്ധിക്കുന്നുണ്ട്.........
എനിക്കനുഭവപ്പെട്ടതെന്റെ
ഹൃദയത്തില് .
ഒരു പോറലില് ഒരായിരം വിലാപങ്ങള് .
മടക്കയാത്രയില്
ഒതുക്കുകല്ലില്
ഇടറിവീണയെന്റെ
അക്ഷരത്തുണ്ട്
ഞാന് കൊടുത്തുവിടുന്നു .
എന്റെ ശ്വാസം അതില് പുരളാതിരിക്കാന്
ഞാന് ശ്രദ്ധിക്കുന്നുണ്ട്.........
Saturday, September 17, 2011
മഴനേരം
ഉച്ചയുറക്കത്തിന്റെ
മ്ലാനത കലര്ന്ന മുഖം .
വെയിലൊഴിയുന്ന
നാട്ടുവഴികള്
ഇടവഴിയോരങ്ങളില്
ഇരുളഴുകിവീഴുന്ന
നിതാന്ത മൌനം
വെളിമ്പറമ്പുകളില്
അലസനായ കാറ്റും
ഈറന് വികാരങ്ങളും
ഈയലുകള്ക്കൊപ്പം
സന്ധ്യയില് പുതയുന്ന മഴനേരം.
പുതുമഴയിലെ ആദ്യതുടിപ്പ് .
ഉച്ചയുറക്കത്തിന്റെ
മ്ലാനത കലര്ന്ന മുഖം .
വെയിലൊഴിയുന്ന
നാട്ടുവഴികള്
ഇടവഴിയോരങ്ങളില്
ഇരുളഴുകിവീഴുന്ന
നിതാന്ത മൌനം
വെളിമ്പറമ്പുകളില്
അലസനായ കാറ്റും
ഈറന് വികാരങ്ങളും
ഈയലുകള്ക്കൊപ്പം
സന്ധ്യയില് പുതയുന്ന മഴനേരം.
പുതുമഴയിലെ ആദ്യതുടിപ്പ് .
Monday, August 22, 2011
ഒരുമ
അവനും അവളും അവരും
------------------------------------
ഒന്നിനോടൊന്നു ചേരാത്തത് നീ മാത്രം .
ഒന്നിലും ഉറച്ചു നില്ക്കാത്തത് നീ മാത്രം .
ഒന്നില് പിണങ്ങി മറയുന്നത് ,
ഒന്നില് തലമറന്നെണ്ണ തേക്കുന്നത് ,
ഒന്നായി മാറാത്തത് ,
ഒന്നെന്നെണ്ണി മൌനിയാവുന്നത്,
ഒന്നിലെന്നെ അകറ്റുന്നത് ....
ഇവനും ഇവളും ഇവരും
-----------------------------------
ഒന്നെനിക്കേകി പിന്മാറുന്നതും,
ഒന്നെന്നോതി പുണരുന്നതും ,
ഒന്നായ് മറന്നോഴുകുന്നതും
ഒന്നിനെ തേടി നിര്വൃതി കൊള്ളുന്നതും
ഒന്നില് നിറഞ്ഞു നില്ക്കുന്നതും ...
അനുഭവത്തിന്റെ മുഖമുദ്രകളില്
നിദ്രയില് പോലും നടുക്കുന്നതും ,
തഴുകുന്നതുമായവ.........
------------------------------------
ഒന്നിനോടൊന്നു ചേരാത്തത് നീ മാത്രം .
ഒന്നിലും ഉറച്ചു നില്ക്കാത്തത് നീ മാത്രം .
ഒന്നില് പിണങ്ങി മറയുന്നത് ,
ഒന്നില് തലമറന്നെണ്ണ തേക്കുന്നത് ,
ഒന്നായി മാറാത്തത് ,
ഒന്നെന്നെണ്ണി മൌനിയാവുന്നത്,
ഒന്നിലെന്നെ അകറ്റുന്നത് ....
ഇവനും ഇവളും ഇവരും
-----------------------------------
ഒന്നെനിക്കേകി പിന്മാറുന്നതും,
ഒന്നെന്നോതി പുണരുന്നതും ,
ഒന്നായ് മറന്നോഴുകുന്നതും
ഒന്നിനെ തേടി നിര്വൃതി കൊള്ളുന്നതും
ഒന്നില് നിറഞ്ഞു നില്ക്കുന്നതും ...
അനുഭവത്തിന്റെ മുഖമുദ്രകളില്
നിദ്രയില് പോലും നടുക്കുന്നതും ,
തഴുകുന്നതുമായവ.........
Wednesday, August 17, 2011
ആഗോളം
ഒരു നിലവിളക്കും ഞാനൂതിക്കെടുത്തില്ല ..
ഒരു കൊടിമരവും ഞാന് അശുദ്ധിയാക്കില്ല..
ഒരു ശ്രീകോവിലിലെ ബിംബത്തിന്റെ മുന്പിലും
ഞാന് നെഞ്ച് വിരിച്ചു നില്ക്കില്ല..
ഒരു തുളസീ ദളവും എന്റെ കാല്ക്കീഴില്
അരഞ്ഞുപോവില്ല ..
ഒരു ബലിക്കല്ലും മറികടന്നു ഞാന് പോകില്ല ..
എന്നിട്ടും
വിശന്ന മനുഷ്യന്റെ മുന്പില്
ഇതെല്ലാം നിഷ്പ്രഭം എന്ന്
ആരാണെന്നെ മനസ്സിലാക്കിത്തന്നത് ..?
Sunday, August 14, 2011
അരാജകവാദി
ഉള്ളത് ഇല്ലാതാക്കിയവന്,
ഇല്ലാത്തതിനെ തേടിയവന് ,
സ്ത്രീലിംഗമില്ലാത്ത ജാതി,
സ്ത്രീപീഡനത്തിന്നുത്തരവാദി .
കുടുംബചിന്തയില്ലാത്തവന്
തെരുവ് കുടുംബമാക്കിയവന്
മലിനതയില് മേയ്ക്കിട്ടു കയറിയവന്
മലിനത ഭൂഷണമാക്കിയവന് .
ലഹരിയിലുന്മത്തനായവന്
തന്നെത്തന്നെമെത്തയാക്കിയുറങ്ങിയോന്
കാരുണ്യലവലേശമില്ലാത്തോന്
ഒരുണ്ണിയെ പോറ്റാന് കെല്പ്പില്ലാത്തോന്
--------------------------------------
നിന്നെ പറ്റി പറഞ്ഞു തീരില്ല .
ശാപം നേടിയ
ജന്മങ്ങള്ക്കിടയില്
ഒറ്റയാന് ആയി അലയാന്
നിന്റെ വിധി .
കാരുണ്യലവലേശമില്ലാത്തോന്
ഒരുണ്ണിയെ പോറ്റാന് കെല്പ്പില്ലാത്തോന്
------------------------------
നിന്നെ പറ്റി പറഞ്ഞു തീരില്ല .
ശാപം നേടിയ
ജന്മങ്ങള്ക്കിടയില്
ഒറ്റയാന് ആയി അലയാന്
നിന്റെ വിധി .
Sunday, August 7, 2011
തീരങ്ങളില് അലയടിക്കുന്നത്
എന്താണെന്നറിയില്ല
എന്റെ അകക്കാമ്പിലെ
മധുരം ചുരണ്ടുന്ന നീ
എന്തിനെന്റെയെല്ലില് വരെ
പോറലേല്പ്പിക്കുന്നെന്ന്!!
മജ്ജയിലൂടൊരു തീനാളം
കടന്നു പോവുമ്പോഴാണ്
നിന്റെ ചതി ഞാനറിയുന്നത് !!
നിര്വ്വികാരമായ
നിന്റെ മൌനം .
എന്നെ കടിച്ചുകീറി
നീ ഉപ്പുരസത്തോടെ
നുണയുന്നത്
എന്റെ വാചാലതയെയാണ് !!
എന്റെ വാക്കുകള്ക്ക്
നീ തടയിടുമ്പോള്
പുലരിയിലെ
കുഞ്ഞു സൂര്യനെയാണ്
കെടുത്തി കളയുന്നത് !!
രാത്രിനേരങ്ങളില്
നീ നിഴലുകളായ്
പതുങ്ങുമ്പോള്
എന്റെയുണര്വിനെയാണ്
മയക്കഗുളികകളില്
തളര്ത്തി വിടുന്നത് !!
മയക്കത്തിന്റെ
നാലകങ്ങളില്
തളച്ചിടുമ്പോള്
ആഘോഷങ്ങളുടെ
പെരുമ്പറകള് മുഴങ്ങുന്നത്
അവ്യക്തമായറിയാം!!
അരുതെന്ന് പറയാനായ്
ഉയര്ത്തുന്ന കൈകളും
നീ വെട്ടിമാറ്റുന്നുവോ ?
തെരുവില് നിന്നൊരു രൂപം
എന്നിലേയ്ക്ക് പടര്ന്നുകയറിയിരുന്നു
ഇന്നലെ ..
നിന്റെ മോഹത്തിന്റെ നെല്ലിപ്പടിയെനിക്കവന്
കാട്ടിത്തന്നു !!
നാളെ നിന്റെ വ്യാമോഹ
പെരും തുരങ്കത്തിന്റെ
അവസാനം
കാണാന് പോവുന്നത്
കത്തുന്ന നിന്റെതെന്നു
നീയവകാശപ്പെടുന്ന
എന്റെ നെല്വയലുകളായിരിക്കും!!
ഇന്ന് ഞാനെന്റെ സ്വപ്നങ്ങളില്
ഒരു വയല്പ്പാട്ടിന്റെ
ഈണത്തില് മയങ്ങുകയാണ് .
നിന്റെ എല്ലാ
കെട്ടുപാടുകളില് നിന്നും
സ്വതന്ത്രനായിത്തന്നെ ....
എന്നെ ശല്ല്യം ചെയ്യരുതേ ...
Tuesday, August 2, 2011
തൊണ്ണൂറിലെ ഒരു വിവാഹ വീഡിയോ
ചലിക്കുന്ന ഇരുണ്ട ചിത്രങ്ങള് .
മണ്മറഞ്ഞു പോയവരുടെ
അനുഗ്രഹാശിസ്സുകള് .
വിറയ്ക്കുന്ന വലിയമ്മയുടെ
കറുത്ത വിരലുകള് ,
അമ്മയുടെ മങ്ങിയ
മുഖത്തിന്റെ വിഷാദച്ഛവി .
വടക്കന് കാറ്റില് ഞെട്ടറ്റു
വീഴുന്ന ഒരു മന്ദാരപൂ..
ഗ്രാമാന്തരീക്ഷത്തിന്റെ
പഴയ അപൂര്വ ചാരുത.
പെയ്തു തീരാന് അകം നൊന്ത്
കേണ് തപസ്സിരുന്ന
ചക്രവാളത്തിലെ തളര്ന്ന മേഘം.
കൊടുങ്കാറ്റടിച്ച ഇന്നിന്റെ അശാന്തിതീരങ്ങളിലേക്ക്
അന്ന് താലി ചാര്ത്തപ്പെട്ട
ഒരു നിര്ഭാഗ്യവതിയും..............
മണ്മറഞ്ഞു പോയവരുടെ
അനുഗ്രഹാശിസ്സുകള് .
വിറയ്ക്കുന്ന വലിയമ്മയുടെ
കറുത്ത വിരലുകള് ,
അമ്മയുടെ മങ്ങിയ
മുഖത്തിന്റെ വിഷാദച്ഛവി .
വടക്കന് കാറ്റില് ഞെട്ടറ്റു
വീഴുന്ന ഒരു മന്ദാരപൂ..
ഗ്രാമാന്തരീക്ഷത്തിന്റെ
പഴയ അപൂര്വ ചാരുത.
പെയ്തു തീരാന് അകം നൊന്ത്
കേണ് തപസ്സിരുന്ന
ചക്രവാളത്തിലെ തളര്ന്ന മേഘം.
കൊടുങ്കാറ്റടിച്ച ഇന്നിന്റെ അശാന്തിതീരങ്ങളിലേക്ക്
അന്ന് താലി ചാര്ത്തപ്പെട്ട
ഒരു നിര്ഭാഗ്യവതിയും..............
Sunday, July 31, 2011
ഒഴുക്ക്
ഞാന് ദഹിക്കുകയാണ്.
ആരോ ആര്ത്തു ചിരിക്കുന്നു.
എന്റെ എല്ലുകള് കത്തിയമരുകയാണ്.
ആരോ ഞരിപിരികൊണ്ട് ഉന്മത്തനാവുകയാവുകയാണ് .
ദേഹവും ആത്മാവും വേര്പിരിയുകയാണ് .
പുകവെട്ടത്തില് അവന്റെ രൂപം കാണുകയാണ് ഞാന് .
എന്നിലേക്ക് ഒരു നദി ഒഴുകുന്നുണ്ട്.
അതെന്തുകൊണ്ട് എന്റെ ചിതാഗ്നി ദാഹിക്കുന്നു... ?
Monday, July 25, 2011
നിന്നിലേയ്ക്ക് തന്നെ
നിന്നെ ചുഴുന്ന ഗഹനതയാണെന്നെ
നിര്ന്നിമേഷനാക്കുന്നത്.
നിന്റെ ഏകാന്തതയിലെ
യുഗങ്ങളോളമുള്ള നിര്വികാരത
പൊടുന്നനെയൊരു
അട്ടഹാസമായ് മാറുന്നതും
നിന്റെ വ്യര്ത്ഥതയിലെ
ചരടനക്കം മാത്രം.
ഒരു പൂവില് നീ പ്രതിഫലിക്കുന്നു.
ഒരു മഞ്ഞുതുള്ളിയില് നീ ചിരിക്കുന്നു .
ഒരു ചോരത്തുള്ളിയില് നീ പിടയുന്നു.
മന്വന്തരങ്ങളുടെ മിടിപ്പുകള്
നിന്റെ സിരകളില്
നിന്റെ നിതാന്തമൌനത്തില്
പെരുമ്പറകള് മുഴക്കുന്നുവോ ?
കാറ്റടിച്ചുലയുന്ന
ജീവനാളങ്ങള്
നിന്റെ മുന്പില് കൈകൂപ്പി
നിന്നിലേയ്ക്ക് തന്നെ .
മണലാരണ്യവും
മുളങ്കാടുകളും
സമുദ്രങ്ങളും
സ്വച്ഛവനങ്ങളും
തരിശുനിലങ്ങളും
നിന്റെ മൃദുമര്മ്മരങ്ങള്
ഏറ്റുപറയുന്നു.
സ്വപ്നാടനങ്ങളുടെ
സ്വര്ണ്ണവനങ്ങളില്
കാറ്റേറ്റ് മയങ്ങുന്ന
നിന്റെ സന്തതികള്.
കടല്ചെരുക്കോടെ
നിശായാനത്തിന്റെ
സഞ്ചാരപഥങ്ങളില്
തുഴയെറിയുന്ന
എകാന്തയാത്രികനും....
ഒരിയ്ക്കല് കൂടി
പിറന്നിരുന്നുവെങ്കില് .
നിന്റെ നിലാകമ്പളങ്ങള്
വാരിപ്പുതച്ചുറങ്ങിയേനെ ഞാന് ...
ഇനിയും കൊതി..
തീരാത്ത കൊതി...
നിര്ന്നിമേഷനാക്കുന്നത്.
നിന്റെ ഏകാന്തതയിലെ
യുഗങ്ങളോളമുള്ള നിര്വികാരത
പൊടുന്നനെയൊരു
അട്ടഹാസമായ് മാറുന്നതും
നിന്റെ വ്യര്ത്ഥതയിലെ
ചരടനക്കം മാത്രം.
ഒരു പൂവില് നീ പ്രതിഫലിക്കുന്നു.
ഒരു മഞ്ഞുതുള്ളിയില് നീ ചിരിക്കുന്നു .
ഒരു ചോരത്തുള്ളിയില് നീ പിടയുന്നു.
മന്വന്തരങ്ങളുടെ മിടിപ്പുകള്
നിന്റെ സിരകളില്
നിന്റെ നിതാന്തമൌനത്തില്
പെരുമ്പറകള് മുഴക്കുന്നുവോ ?
കാറ്റടിച്ചുലയുന്ന
ജീവനാളങ്ങള്
നിന്റെ മുന്പില് കൈകൂപ്പി
നിന്നിലേയ്ക്ക് തന്നെ .
മണലാരണ്യവും
മുളങ്കാടുകളും
സമുദ്രങ്ങളും
സ്വച്ഛവനങ്ങളും
തരിശുനിലങ്ങളും
നിന്റെ മൃദുമര്മ്മരങ്ങള്
ഏറ്റുപറയുന്നു.
സ്വപ്നാടനങ്ങളുടെ
സ്വര്ണ്ണവനങ്ങളില്
കാറ്റേറ്റ് മയങ്ങുന്ന
നിന്റെ സന്തതികള്.
കടല്ചെരുക്കോടെ
നിശായാനത്തിന്റെ
സഞ്ചാരപഥങ്ങളില്
തുഴയെറിയുന്ന
എകാന്തയാത്രികനും....
ഒരിയ്ക്കല് കൂടി
പിറന്നിരുന്നുവെങ്കില് .
നിന്റെ നിലാകമ്പളങ്ങള്
വാരിപ്പുതച്ചുറങ്ങിയേനെ ഞാന് ...
ഇനിയും കൊതി..
തീരാത്ത കൊതി...
Tuesday, July 19, 2011
സാളഗ്രാമം
നൂറ്റാണ്ടുകള്ക്കു മുന്പ്
കടലിന്നഗാധതയിലെവിടെയോ
രൂപാന്തരം പ്രാപിച്ച്
അവസാനം പ്രണവത്തില് ലയിച്ചത് ...
യുഗങ്ങളുടെ നിതാന്തതാളം
ശ്രവിച്ചത് .
എന്നെ അറിഞ്ഞത്
നിന്നെ അറിഞ്ഞത്
നമ്മിലൂടെ സഞ്ചരിച്ചത് .
ഒരു ക്ലേശ മനുഷ്യ ജന്മത്തിനു
വീണ്ടും നീ പുനര്ജനി നല്കുന്നുവോ!!
ഒരു നിശ്ചല പ്രളയത്തിന്റെ
ശൂന്യാവസ്ഥയില്
ആദിയില് നീ ആലിലയില് ആയിരുന്നത്രെ!!
അവാഹനത്തിന്റെ
തുടര്ചെയ്തികളില്
നീ പുഞ്ചിരിയോടെ
സാളഗ്രാമത്തില്
കുടിയിരുന്നു......
നൂറ്റാണ്ടുകള്ക്കു മുന്പേ
ഫോസിലോടൊപ്പം
നീ വസിക്കുന്നെന്നു ആരുമറിഞ്ഞില്ല.
ഇന്ന് മണിയടികള് നിറഞ്ഞ
മച്ചിനുള്ളില്
കടവാതിലുകളുടെ ശൂന്യജീവിതം പോല്
നീ തൂങ്ങി മയങ്ങുന്നു.
നീയും മറ്റൊരു ജന്മം കാംഷിക്കുന്നോ ?
ഭഗവാന് .... നീയും ?
കടലിന്നഗാധതയിലെവിടെയോ
രൂപാന്തരം പ്രാപിച്ച്
അവസാനം പ്രണവത്തില് ലയിച്ചത് ...
യുഗങ്ങളുടെ നിതാന്തതാളം
ശ്രവിച്ചത് .
എന്നെ അറിഞ്ഞത്
നിന്നെ അറിഞ്ഞത്
നമ്മിലൂടെ സഞ്ചരിച്ചത് .
ഒരു ക്ലേശ മനുഷ്യ ജന്മത്തിനു
വീണ്ടും നീ പുനര്ജനി നല്കുന്നുവോ!!
ഒരു നിശ്ചല പ്രളയത്തിന്റെ
ശൂന്യാവസ്ഥയില്
ആദിയില് നീ ആലിലയില് ആയിരുന്നത്രെ!!
അവാഹനത്തിന്റെ
തുടര്ചെയ്തികളില്
നീ പുഞ്ചിരിയോടെ
സാളഗ്രാമത്തില്
കുടിയിരുന്നു......
നൂറ്റാണ്ടുകള്ക്കു മുന്പേ
ഫോസിലോടൊപ്പം
നീ വസിക്കുന്നെന്നു ആരുമറിഞ്ഞില്ല.
ഇന്ന് മണിയടികള് നിറഞ്ഞ
മച്ചിനുള്ളില്
കടവാതിലുകളുടെ ശൂന്യജീവിതം പോല്
നീ തൂങ്ങി മയങ്ങുന്നു.
നീയും മറ്റൊരു ജന്മം കാംഷിക്കുന്നോ ?
ഭഗവാന് .... നീയും ?
ജാലകം കാഴ്ചതന് അതിരാണ്
എന്നെക്കുറിച്ചെന്തെഴുതിടാത്തൂ ?
മുന്നെയൊരു ചിരിതൂകി ചൊല്ലിയവള് .
പിന്നെ പതിയെയലസമാം മൊഴി പാളി
"എന്തിന്നെഴുതേണ്ടു,ചൊല്ലിടാനെന്തിരിപ്പൂ"
പറഞ്ഞുവല്ലോ സകലതും നീ
അറിഞ്ഞുവല്ലോയൊന്നും വിടാതെ
കരിഞ്ഞു വീഴുമൊരു പൂവിന്നിതള്
അരിഞ്ഞു തള്ളുന്നുവോ കാലവും ലോകവും.
പൊടിപാറി ദൂരെയായ് ഘോഷവും മേളവും
അടിപതറാതെയെത്തുമീയസംഖ്യം ജനങ്ങളും
പറയാതെ പോവുന്നുമൊന്നുമേ പറയാതെ
മറയുന്നു സകലവും ജാലകകാഴ്ചകള്.
ജീര്ണ്ണമായോര്മ്മകള്
നിര്വര്ണ്ണമായ്, ചാരമായ്.
വഴുതിമറയുന്നവസാന ധൂമവും
വിലയനം വാനിലായ് , സര്വ്വവും വിലയനം .
അഴല് തിങ്ങി വീണ്ടും മനം മുറിച്ചിടെണ്ട
എഴുതിടെണ്ടെന്നെക്കുറിച്ചൊരിയ്ക്കലും
തഴുതിട്ടു പോയൊരാ കാലവും മോഹവും
വഴിമാറി വരില്ലിനിയോരിക്കലും നിശ്ചയം
മുന്നെയൊരു ചിരിതൂകി ചൊല്ലിയവള് .
പിന്നെ പതിയെയലസമാം മൊഴി പാളി
"എന്തിന്നെഴുതേണ്ടു,ചൊല്ലിടാനെന്തിരിപ്പൂ"
പറഞ്ഞുവല്ലോ സകലതും നീ
അറിഞ്ഞുവല്ലോയൊന്നും വിടാതെ
കരിഞ്ഞു വീഴുമൊരു പൂവിന്നിതള്
അരിഞ്ഞു തള്ളുന്നുവോ കാലവും ലോകവും.
പൊടിപാറി ദൂരെയായ് ഘോഷവും മേളവും
അടിപതറാതെയെത്തുമീയസംഖ്യം ജനങ്ങളും
പറയാതെ പോവുന്നുമൊന്നുമേ പറയാതെ
മറയുന്നു സകലവും ജാലകകാഴ്ചകള്.
ജീര്ണ്ണമായോര്മ്മകള്
നിര്വര്ണ്ണമായ്, ചാരമായ്.
വഴുതിമറയുന്നവസാന ധൂമവും
വിലയനം വാനിലായ് , സര്വ്വവും വിലയനം .
അഴല് തിങ്ങി വീണ്ടും മനം മുറിച്ചിടെണ്ട
എഴുതിടെണ്ടെന്നെക്കുറിച്ചൊരിയ്ക്കലും
തഴുതിട്ടു പോയൊരാ കാലവും മോഹവും
വഴിമാറി വരില്ലിനിയോരിക്കലും നിശ്ചയം
Sunday, July 17, 2011
ദുരിയാന് പഴം *
ശവം പോലെ നാറുമത്രേ!!
അമൃതം പോലെ സ്വാദും !!
ജീവിതങ്ങള് ഇണ ചേരുമ്പോള്
ഈ നാറ്റവും സ്വാദും
കിട്ടാത്തത് എന്താണാവോ ?
* ഇന്തോനേഷ്യന് ഫലം .
( എസ കെ പൊറ്റെക്കാടിനോട് കടപ്പാട് )
അമൃതം പോലെ സ്വാദും !!
ജീവിതങ്ങള് ഇണ ചേരുമ്പോള്
ഈ നാറ്റവും സ്വാദും
കിട്ടാത്തത് എന്താണാവോ ?
* ഇന്തോനേഷ്യന് ഫലം .
( എസ കെ പൊറ്റെക്കാടിനോട് കടപ്പാട് )
Thursday, July 14, 2011
ഹൃദയവും ഹൃദയവും
ട്രാഫിക് ജാമിലൂടൊരു ഹൃദയം
ഒഴുകിയെത്തിയത്
ജീവന്റെ
സ്പന്ദനത്തിലേക്ക്
ഹൃദയമൊഴിഞ്ഞ
ശൂന്യതയില്
വിലയ്ക്കെടുത്ത ഹൃദയം
മിടിച്ചു തുടങ്ങി .
ധമനികളിലൂടൊഴുകിയ
ചോരയില്
കമ്പിവേലികള്
മുറിഞ്ഞു തെറിച്ചു.
ലാഹോറും, കല്ക്കട്ടയും
ഇസ്ലാമാബാദും, അഹമ്മദാബാദും
പഞ്ചാബും, പഞ്ചാബും
കാശ്മീരും, കാശ്മീരും
തോളുരുമ്മിക്കൊണ്ടിരുന്നു.
ഒളിത്താവളങ്ങളും
ചാവേറുകളും
ഗൂഡാലോചനകളും
ഒരു ഹൃദയമിടിപ്പിന്റെ
നിതാന്തജാഗ്രതയില്
നിശ്ചലമായെങ്കില് !!!
( വാര്ത്ത ::: ഹൃദയം മാറ്റിവെയ്ക്കല് ശസ്ത്രക്രിയ , ഒരു ഇന്ത്യക്കാരന്റെ ഹൃദയം ഒരു പാക്കിസ്ഥാന്കാരന് )
ഒഴുകിയെത്തിയത്
ജീവന്റെ
സ്പന്ദനത്തിലേക്ക്
ഹൃദയമൊഴിഞ്ഞ
ശൂന്യതയില്
വിലയ്ക്കെടുത്ത ഹൃദയം
മിടിച്ചു തുടങ്ങി .
ധമനികളിലൂടൊഴുകിയ
ചോരയില്
കമ്പിവേലികള്
മുറിഞ്ഞു തെറിച്ചു.
ലാഹോറും, കല്ക്കട്ടയും
ഇസ്ലാമാബാദും, അഹമ്മദാബാദും
പഞ്ചാബും, പഞ്ചാബും
കാശ്മീരും, കാശ്മീരും
തോളുരുമ്മിക്കൊണ്ടിരുന്നു.
ഒളിത്താവളങ്ങളും
ചാവേറുകളും
ഗൂഡാലോചനകളും
ഒരു ഹൃദയമിടിപ്പിന്റെ
നിതാന്തജാഗ്രതയില്
നിശ്ചലമായെങ്കില് !!!
( വാര്ത്ത ::: ഹൃദയം മാറ്റിവെയ്ക്കല് ശസ്ത്രക്രിയ , ഒരു ഇന്ത്യക്കാരന്റെ ഹൃദയം ഒരു പാക്കിസ്ഥാന്കാരന് )
Saturday, July 2, 2011
വേനലില് പുകഞ്ഞ ഒറ്റമരം
താളത്തോടെ ഒരു വരി കവിത
മനസ്സില് വഴുതിക്കളിക്കുന്നു .
മേളത്തോടെ ഒരു ഹൃദയം
ഉള്ളില് പൂത്തുലയുന്നു.
വഴിവക്കിലെ മെയ് മാസപുഷ്പങ്ങള്
മറ്റൊരു ഋതുവില് മയങ്ങുന്നു.
സാഫല്യ ജന്മങ്ങള് ഇതള് കൊഴിയാത്ത
മരങ്ങളായ് വേനലുകളിലും തളിര്ക്കുന്നു.
വന പുഷ്പങ്ങളുടെ ഇരുണ്ട മേനിയില്
കാലം പരാഗണം നടത്തുന്നു.
പാടിത്തളര്ന്ന കുയിലുകള് മടങ്ങുമ്പോള്
അലകളടങ്ങിയ മഹാപ്രപഞ്ചം വിതുമ്പുന്നു.
വേപഥു പൂണ്ട പെണ്ചകോരം മാത്രം
ഓര്മ്മകളില് തൂവല് കൊഴിച്ചുകൊണ്ടിരുന്നു.
പൂമൊട്ടുകളില് കാറ്റിന്റെ കടന്നുകയറ്റം .
കുഴഞ്ഞ മണ്ണില് വിഷം തുപ്പിയ നിഷ്ക്രിയത്വം .
നീരാളം വിരിച്ച ശയ്യയില് തകര്ന്ന വീണയുടെ
വിലാപകാവ്യങ്ങള് ....................
വിണ്ടകന്ന വയലോരത്തില്
സായന്തനത്തിന്റെ നേര്ത്ത കുളിരില്
കൈതപ്പൂമണമുള്ള കാറ്റിലൂടെ....
ഒരു വിലാപകാവ്യമെഴുതാന്
വേഷമഴിച്ചുവെച്ചിരുന്നവന് ....
Wednesday, June 29, 2011
റിമോട്ട് അഥവാ അജ്ഞാതകരങ്ങളിലൂടെ
ഒരു വിഴുപ്പുഭാണ്ഡം പോലെ
ഞാനെന്താണെന്റെ
ഹൃദയത്തില് പേറി നടക്കുന്നത്!!
ധമനികളിലൂടെയുള്ള
ഓരോ തള്ളലിലും
രക്തത്തിലതിന്റെ
നിശ്വാസം കലരുന്നുണ്ടായിരുന്നു.
ഓരോ കലരലിലും
ഞാന് ഉന്മത്തനാവുന്നുണ്ടായിരുന്നു .
പിന്നീടെപ്പോഴോ
ഞാനൊറ്റയായ ഒരു സന്ധ്യയില്
അതെന്റെ മൂക്കിലൂടെ
വേരിറക്കി , പുറത്തേയ്ക്ക് .
ഹൃദയത്തിലെ
ലവണങ്ങള് കലര്ന്ന
നനവോടെ
അതെന്റെ മുഖത്ത്
ഉരസ്സിക്കൊണ്ടിരുന്നു.
ഒടുവില്
കണ്ണിലൂടെ
ഒരു വേരിറങ്ങിയപ്പോള്
ഞാനത് മനസ്സിലാക്കുകയായിരുന്നു.
ഒരു ജീവന്റെ പൊടിപ്പ്
ഹൃദയത്തില് വീണതും ,
വളര്ന്നതും, ഉണര്ന്നതും... എല്ലാം...
അപ്പോഴേയ്ക്കും
ഒരദൃശ്യനായ ശത്രുവിനെ
എനിയ്ക്ക് കാണാന് കഴിഞ്ഞിരുന്നു.
അവന്റെ നാശത്തിനുള്ള
തിട്ടൂരവും
ഞാന് കൈപ്പറ്റിയിരുന്നു.
ഞാനെന്താണെന്റെ
ഹൃദയത്തില് പേറി നടക്കുന്നത്!!
ധമനികളിലൂടെയുള്ള
ഓരോ തള്ളലിലും
രക്തത്തിലതിന്റെ
നിശ്വാസം കലരുന്നുണ്ടായിരുന്നു.
ഓരോ കലരലിലും
ഞാന് ഉന്മത്തനാവുന്നുണ്ടായിരുന്നു .
പിന്നീടെപ്പോഴോ
ഞാനൊറ്റയായ ഒരു സന്ധ്യയില്
അതെന്റെ മൂക്കിലൂടെ
വേരിറക്കി , പുറത്തേയ്ക്ക് .
ഹൃദയത്തിലെ
ലവണങ്ങള് കലര്ന്ന
നനവോടെ
അതെന്റെ മുഖത്ത്
ഉരസ്സിക്കൊണ്ടിരുന്നു.
ഒടുവില്
കണ്ണിലൂടെ
ഒരു വേരിറങ്ങിയപ്പോള്
ഞാനത് മനസ്സിലാക്കുകയായിരുന്നു.
ഒരു ജീവന്റെ പൊടിപ്പ്
ഹൃദയത്തില് വീണതും ,
വളര്ന്നതും, ഉണര്ന്നതും... എല്ലാം...
അപ്പോഴേയ്ക്കും
ഒരദൃശ്യനായ ശത്രുവിനെ
എനിയ്ക്ക് കാണാന് കഴിഞ്ഞിരുന്നു.
അവന്റെ നാശത്തിനുള്ള
തിട്ടൂരവും
ഞാന് കൈപ്പറ്റിയിരുന്നു.
Wednesday, June 15, 2011
രുചി
വായ്ക്കരി വീണയിടത്ത്
ചാലിട്ടൊഴുകിയ
എറുമ്പിന്കൂട്ടങ്ങളില്
ഒന്ന് ചര്ദ്ദിച്ചു.
കാരണം....
ഒരു പിഞ്ചു കുഞ്ഞിന്
മൃതനഗ്നശരീരം
രുചിയ്ക്കുന്ന
മനുഷ്യക്കൂട്ടങ്ങളെ കണ്ടുവത്രെ !!
ചാലിട്ടൊഴുകിയ
എറുമ്പിന്കൂട്ടങ്ങളില്
ഒന്ന് ചര്ദ്ദിച്ചു.
കാരണം....
ഒരു പിഞ്ചു കുഞ്ഞിന്
മൃതനഗ്നശരീരം
രുചിയ്ക്കുന്ന
മനുഷ്യക്കൂട്ടങ്ങളെ കണ്ടുവത്രെ !!
Monday, June 6, 2011
മണി ചെയിന് വിശേഷങ്ങള്
ഒരു ദിനം കോളിനോസ് ചിരിയുമായ് വന്നവന്
അരുകിലായ് കാഴ്ചയായ് വാഗ്ദാനക്കുലകളും .
ആയിരത്തില് ഒരുവനെന്നോതിയെന്നോടായ്
ആയില്യം നാളിന്റെ ഗുണഗണവും .
ഒരിയ്ക്കലുമെന്നെത്തേടി വരാത്തവന് ചൊല്ലി
താനൊരിക്കലും പിരിയാത്ത കൂട്ടുകാരന് .
മുത്തമിട്ടു പറക്കുമാ വണ്ടിന്റെ ചേലിലവന്
വര്ത്തമാനം പറഞ്ഞെന്നെ മയക്കിയോ !
ചേര്ക്കണം ഞാനൊരുത്തനെയൊരുത്തിയെ
ആര്ക്കണം വന്പട പിന്നാലെയെത്തീടണം .
സംഖ്യകള് മാസത്തില് വര്ദ്ധിച്ചിടും പിന്നെ
സംഘത്തിന് നേതാവായ് പൂജ്യനാവും .
സില്വറാവും, ഗോള്ഡാവും, ഡൈമണ്ടുമായിടും
സിലസില പാട്ടിന്റെ കൂട്ടുമാവും .
കോണ്ഫറണ്സില് കണ്ഠകൌപീനമിട്ടവന്
കണ്കെട്ടുവിദ്യയാല് മന്ദനാക്കിയെന്നെ .
മണ്ടനായോന് ഞാന് പിന്നെ വഷളനായി
മണ്ടിയവന് പിന്നെ ഞാന് ഷണ്ടനായി .
ഇത്രയും പറഞ്ഞു ഞാന് പിരിയുന്നു കൂട്ടരേ
മാത്ര തെല്ലെങ്കിലും വിശ്രമിച്ചീടട്ടെ ....
അരുകിലായ് കാഴ്ചയായ് വാഗ്ദാനക്കുലകളും .
ആയിരത്തില് ഒരുവനെന്നോതിയെന്നോടായ്
ആയില്യം നാളിന്റെ ഗുണഗണവും .
ഒരിയ്ക്കലുമെന്നെത്തേടി വരാത്തവന് ചൊല്ലി
താനൊരിക്കലും പിരിയാത്ത കൂട്ടുകാരന് .
മുത്തമിട്ടു പറക്കുമാ വണ്ടിന്റെ ചേലിലവന്
വര്ത്തമാനം പറഞ്ഞെന്നെ മയക്കിയോ !
ചേര്ക്കണം ഞാനൊരുത്തനെയൊരുത്തിയെ
ആര്ക്കണം വന്പട പിന്നാലെയെത്തീടണം .
സംഖ്യകള് മാസത്തില് വര്ദ്ധിച്ചിടും പിന്നെ
സംഘത്തിന് നേതാവായ് പൂജ്യനാവും .
സില്വറാവും, ഗോള്ഡാവും, ഡൈമണ്ടുമായിടും
സിലസില പാട്ടിന്റെ കൂട്ടുമാവും .
കോണ്ഫറണ്സില് കണ്ഠകൌപീനമിട്ടവന്
കണ്കെട്ടുവിദ്യയാല് മന്ദനാക്കിയെന്നെ .
മണ്ടനായോന് ഞാന് പിന്നെ വഷളനായി
മണ്ടിയവന് പിന്നെ ഞാന് ഷണ്ടനായി .
ഇത്രയും പറഞ്ഞു ഞാന് പിരിയുന്നു കൂട്ടരേ
മാത്ര തെല്ലെങ്കിലും വിശ്രമിച്ചീടട്ടെ ....
ദീര്ഘ സുമംഗലീ ഭവ:
ചുറ്റിലുമിരുള്ത്തീയിന് ചൂടസഹ്യം ,
വിയര്ത്ത നെറ്റിത്തടത്തിലമര്ത്തു-
മിളംകാറ്റുമൊരു ദൂതനല്ലന്നോ ?
തെളിഞ്ഞു നില്ക്കുമംബരത്തിന് സീമ
തേടലോ,വ്യര്ത്ഥം, ചാരുശിലതന് മൌനമോ?
വിളറും ചന്ദ്രക്കലതന് കടം വാങ്ങിയ പുഞ്ചിരിയോ?
അറിയാം, മൌനമൊരു സാഗരത്തിന്
ഗാനമാണെന്നാലുമായുള്ത്തുടിപ്പിന്നാര്ക്കുവേണ്ടി...
ഉള്ത്തുടിപ്പിന്നാര്ക്ക് വേണ്ടി ....! !
Thursday, May 19, 2011
മലയാള കവിത
മലയാള കവിതയെ
കാണ്മാനില്ലെന്നു !
വരികള്ക്ക് ചോട്ടിലായ്
ഒളിച്ചു നടക്കുകയാണെന്ന് !
വരിയുടെ വാരിയെല്ലിനെ
ആരോ ബലാല്ക്കാരം ചെയ്തെന്ന്!
വരിയുടയ്ക്കപ്പെട്ട്
വിരിമാറില് പടര്ത്തിയതാണെന്നും!
വീരവാദത്തിന്റെ ചേകോന്മാര്ക്ക്
പിന്കുറിപ്പായ് പോവാത്തവള്
കവിത.
വാദ് വെച്ച വിവാദ ചര്ച്ചകളില്
വീണ വായിക്കാത്തവന് കവിത .
അവനും ,
അവനിലെ അവളും
എന്റേത് മാത്രം.
എന്റെ ശ്യാമസന്ധ്യകളില്
വിഷാദസാന്ദ്രമായ്
എന്നെ പുല്കി
എന്നിലൂടൊഴുകുന്നോരെന്റെ കവിത.
നിന്നിലെ തീച്ചൂളകളില്
വേനല്മഴയാവുന്നോരെന്റെ കവിത .
എന്റെ മാത്രം കവിത .
നിന്റെതെന്നു അവകാശപ്പെടാവുന്നതും ....
Tuesday, May 10, 2011
ഗാന്ധിജിയും ,കല്ലന്ബാക്കും
മൂര്ത്തമായ ഒരു ബന്ധത്തിന്റെ
സ്നേഹപെരുക്കത്തില്
ലാളിച്ചത് ഹൃദയങ്ങളായിരുന്നു .
കടന്നു കയറി ,
ഞളിപിരികൊണ്ട് ,
ചുടു നിശ്വാസങ്ങളുതിര്ത്ത്,
ചുറ്റിപ്പിണഞ്ഞത്
വാക്കുളായിരുന്നു.
നെറികേടിന്റെയും
വര്ണ്ണവിവേചനത്തിന്റെയും
കൈവീശലില്
മേല്പ്പല്ല് പൊഴിഞ്ഞ
മുറിവിലേയ്കാണ്
കല്ലന്ബാക്ക് ചുണ്ടമര്ത്തിയത്.
അപമൃത്യു സംഭവിച്ച
പടിഞ്ഞാറന് സംസ്മാരത്തിന്റെ
ഇടനാഴിയില്
ഗാന്ധിജിയെയും
കല്ലന്ബാക്കിനെയും
നൂല്ബന്ധമില്ലാതെ
കെട്ടിയിട്ട്
ധൂമകേതുവിന്റെ
ചരിത്രാന്വേഷണങ്ങള് .!!
മുറിവിലൂടെയുള്ള
സഞ്ചാരങ്ങളില്
ഹൃദയം തുളച്ചു പായുന്ന
മറ്റൊരു വെടിയുണ്ട
താലോലിക്കേണ്ട
ഗതികേടിലേയ്ക്ക്
വീണ്ടുമെന്റെ മഹാത്മാവ് ....
Sunday, May 8, 2011
തുടര് ഭരണം
സാധാരണമായ ഒരു ജീവിതം .
ഒരു തിരിച്ചു വരവില്
ഞങ്ങള് നല്കുന്ന വാഗ്ദാനം .
നീയുണരുമ്പോള്
നിന്റെ മുന്പിലെ
വിറങ്ങലിച്ച കണി .
അതിനു ഒരറുതി ഉണ്ടായേക്കും.
ഏതൊരു മയക്കത്തിലും
നിന്നിലേക്ക് സംക്രമിക്കുന്ന
നേര്ത്ത നിലാവൊളി .
സംരക്ഷിക്കപ്പടെണ്ടത് .
ബാധ്യതയും....
നൂറ്റാണ്ടുകളുടെ പഴക്കമുണ്ട് .
നിന്നിലേക്ക് ഒഴുക്കുന്ന
കള്ളങ്ങള്ക്ക്.
ഒരു തടയണ പണിയേണ്ടേ?
ഓരോ കാലത്തിലെയും
വിരല് മാഷിപ്പാടിനു
നിന്നിലെ തൃപ്തിക്ക്
അക്ഷയ പാത്രങ്ങള്
തീര്ക്കാന് ആവാറില്ല .....
ഇപ്പോഴും അക്ഷയ പാത്രങ്ങള്
തീര്ക്കാന് ഞങ്ങള്ക്കാവില്ല...
വറവ് ചട്ടിയില് നിന്ന്
പുല്പ്പായിലേക്ക്
ഒരു ഇടവേളയിലെ
വിശ്രമം മാത്രം....
അപ്പോഴും ഞങ്ങള് നിലവറയിലും
പടനിലങ്ങളിലും
ഒരേ പോലെ പണിയെടുക്കെണ്ടിയിരിക്കുന്നു ,
ഒരു തിരിച്ചു വരവില്
ഞങ്ങള് നല്കുന്ന വാഗ്ദാനം .
നീയുണരുമ്പോള്
നിന്റെ മുന്പിലെ
വിറങ്ങലിച്ച കണി .
അതിനു ഒരറുതി ഉണ്ടായേക്കും.
ഏതൊരു മയക്കത്തിലും
നിന്നിലേക്ക് സംക്രമിക്കുന്ന
നേര്ത്ത നിലാവൊളി .
സംരക്ഷിക്കപ്പടെണ്ടത് .
ബാധ്യതയും....
നൂറ്റാണ്ടുകളുടെ പഴക്കമുണ്ട് .
നിന്നിലേക്ക് ഒഴുക്കുന്ന
കള്ളങ്ങള്ക്ക്.
ഒരു തടയണ പണിയേണ്ടേ?
ഓരോ കാലത്തിലെയും
വിരല് മാഷിപ്പാടിനു
നിന്നിലെ തൃപ്തിക്ക്
അക്ഷയ പാത്രങ്ങള്
തീര്ക്കാന് ആവാറില്ല .....
ഇപ്പോഴും അക്ഷയ പാത്രങ്ങള്
തീര്ക്കാന് ഞങ്ങള്ക്കാവില്ല...
വറവ് ചട്ടിയില് നിന്ന്
പുല്പ്പായിലേക്ക്
ഒരു ഇടവേളയിലെ
വിശ്രമം മാത്രം....
അപ്പോഴും ഞങ്ങള് നിലവറയിലും
പടനിലങ്ങളിലും
ഒരേ പോലെ പണിയെടുക്കെണ്ടിയിരിക്കുന്നു ,
Wednesday, May 4, 2011
കുയിലിന്റെ മണിനാദം കേട്ടു....
വിളറിയ മുഖാവരണത്തിനും ,
അകന്നു പോവുന്ന നോട്ടങ്ങള്ക്കും
ഇടയില്
ഒരു ബ്ലാക്ക് ആന്ഡ് വൈറ്റ് ഗാനം
വിതുമ്പുന്നു.. പൊട്ടി ചിതറുന്നു...
അലതല്ലുന്ന ഗാനവീചികള്ക്ക്
പിടി തരാതെ കടന്നുപോയ
ആരുടെയോ ശബ്ദമിശ്രണം .
ഒഴുക്കന്മട്ടില്
ചാഞൊഴുകുന്ന
വിഷാദതന്ത്രിസ്വനം .
വേപഥു പൂണ്ടു നില്ക്കുന്ന
തീരത്തിന്റെ
നീരവമൌനം .
കടല് വിതുമ്പുന്ന
ഹൃദയ കവാടങ്ങളില്
കുമിഞ്ഞു കൂടുന്ന
ഉപ്പു പരലുകള്
വിറ കൊള്ളുന്നു .
എന്നേയ്കുമായ് പറഞ്ഞു വെച്ച ,
എന്നുമൊരു ഗാനത്തോടൊപ്പം
പിടഞ്ഞുണരുന്ന ,
അര്ത്ഥവത്തെന്നു
മനസ്സിനെ പറഞ്ഞ്
പഠിപ്പിച്ച
ഒരേ രാഗത്തിലെഴുതിയ
ഭാവ തരംഗങ്ങള്
മെഴുകിയൊരുക്കിയ
ഒരു നിശബ്ദ ചിത്രം...
കടല് മയക്കത്തിന്റെ
പൌര്ണമി രാവുകളില്
ഇതള് വിരിഞ്ഞ്
മണം പരത്തുന്നത് .
ഉപ്പു പരലിന്റെ
ചവര്പ്പുരസത്തില്
അതിന്നും
ഒരു സുഗന്ധവാഹിയായ കാറ്റാണ്..
വിതുമ്പലിന്റെ ആഴങ്ങളില് നിന്ന്
പുനര്ജനിക്കുന്നത് ...
അകന്നു പോവുന്ന നോട്ടങ്ങള്ക്കും
ഇടയില്
ഒരു ബ്ലാക്ക് ആന്ഡ് വൈറ്റ് ഗാനം
വിതുമ്പുന്നു.. പൊട്ടി ചിതറുന്നു...
അലതല്ലുന്ന ഗാനവീചികള്ക്ക്
പിടി തരാതെ കടന്നുപോയ
ആരുടെയോ ശബ്ദമിശ്രണം .
ഒഴുക്കന്മട്ടില്
ചാഞൊഴുകുന്ന
വിഷാദതന്ത്രിസ്വനം .
വേപഥു പൂണ്ടു നില്ക്കുന്ന
തീരത്തിന്റെ
നീരവമൌനം .
കടല് വിതുമ്പുന്ന
ഹൃദയ കവാടങ്ങളില്
കുമിഞ്ഞു കൂടുന്ന
ഉപ്പു പരലുകള്
വിറ കൊള്ളുന്നു .
എന്നേയ്കുമായ് പറഞ്ഞു വെച്ച ,
എന്നുമൊരു ഗാനത്തോടൊപ്പം
പിടഞ്ഞുണരുന്ന ,
അര്ത്ഥവത്തെന്നു
മനസ്സിനെ പറഞ്ഞ്
പഠിപ്പിച്ച
ഒരേ രാഗത്തിലെഴുതിയ
ഭാവ തരംഗങ്ങള്
മെഴുകിയൊരുക്കിയ
ഒരു നിശബ്ദ ചിത്രം...
കടല് മയക്കത്തിന്റെ
പൌര്ണമി രാവുകളില്
ഇതള് വിരിഞ്ഞ്
മണം പരത്തുന്നത് .
ഉപ്പു പരലിന്റെ
ചവര്പ്പുരസത്തില്
അതിന്നും
ഒരു സുഗന്ധവാഹിയായ കാറ്റാണ്..
വിതുമ്പലിന്റെ ആഴങ്ങളില് നിന്ന്
പുനര്ജനിക്കുന്നത് ...
Thursday, April 28, 2011
സീനിയര് സിറ്റിസണ്
മുന്കൂര് ഒരുക്കിയ
ഇരിപ്പിടങ്ങള് ഉണ്ട് .
യാത്രാവേളകളില്
നിരക്കിളവുകള് ഉണ്ട്.
നിക്ഷേപങ്ങളില്
പലിശ വര്ദ്ധനവുണ്ട് .
ഫോറങ്ങളുണ്ട്,
കൂടിചേരലുകളുണ്ട് ..
എല്ലാമുണ്ട് ..
വേണ്ടതെല്ലാം ..
പക്ഷെ
അമ്മേയെന്നും
അച്ഛാ എന്നുമുള്ള
വിളി മാത്രമില്ല.
ഇരിപ്പിടങ്ങള് ഉണ്ട് .
യാത്രാവേളകളില്
നിരക്കിളവുകള് ഉണ്ട്.
നിക്ഷേപങ്ങളില്
പലിശ വര്ദ്ധനവുണ്ട് .
ഫോറങ്ങളുണ്ട്,
കൂടിചേരലുകളുണ്ട് ..
എല്ലാമുണ്ട് ..
വേണ്ടതെല്ലാം ..
പക്ഷെ
അമ്മേയെന്നും
അച്ഛാ എന്നുമുള്ള
വിളി മാത്രമില്ല.
കവിതയുടെ അന്ത്യം
എന്നില് നിന്നും വേര്പെട്ടുപോയ
കവിതയെ ഞാനിന്നലെ
വഴിവാണിഭചന്തയില്
വില്ക്കാന് വെച്ചിരിക്കുന്നത് കണ്ടു .
അതിന്റെ ഭാവനാചിറകുകള്
അരിഞ്ഞു മാറ്റിയിരിക്കുന്നു.
യാത്രയില് എപ്പോഴോ
അക്രമിക്കപ്പെട്ടതാണ് .
ഞാന് തഴുകി ഉണക്കിയിരുന്ന
കാര്കൂന്തലും
മുറിച്ചു മാറ്റിയിരുന്നു.
എന്റെ പാദചലനമറിഞ്ഞോ ആവോ !
ചോര ഉണങ്ങും കണ്ണിന്നരുകില് കൂടെ
നീര്ച്ചാലുകള് ഒഴുകുന്നു....
എന്നത്തേയും പോലെ
ഞാനിന്നും നിസ്സഹായന് ആണ്...
എനിക്കറിയില്ല ഈ കവിതയെ...
Thursday, April 21, 2011
എന്ഡോസള്ഫാന് രാഷ്ട്രീയം
പുകള്പെറ്റ കുടുംബമാണ് പോലും .
ചോരച്ച കണ്ണുകള് ..
നീരിറ്റാത്ത കണ്ണുകള്..
പകലിനെ വെറുക്കും കണ്ണുകള്..
രാത്രിയിലുണരും കണ്ണുകള് ..
കുടുംബാന്തരീക്ഷം
കലങ്ങരുതെന്നുണ്ട്.
തെളിനീരിലേ
പരല്മീന് പോലും
വെളിപ്പെടുകയുള്ളൂ .
വീതംവെക്കലിലെ
ആശ്വാസ നിശ്വാസങ്ങളില്
കാരണവര്ക്ക്
ഒരെല്ലിന് കഷ്ണം
കാഴ്ച വെക്കാറുണ്ട് .
ഒരു കുപ്പിക്കള്ളും, പശുവിറച്ചിയും .
നിലവറയില്
പൂജാ ദ്രവ്യങ്ങളോടൊപ്പം
ആഹിംസായ നമ: എന്ന മന്ത്രവും
പൂജയ്ക്ക് വെക്കും .
എന്നിട്ടല്ലേ
പുറത്തു അലമുറയിടുന്ന
തല വീര്ത്തവരെയും ,
ശരീരം കുറുകിയവരെയും,
ഇഴഞ്ഞു വന്നവനേയും,
ആട്ടിപ്പായിക്കാനാവുള്ളൂ .
കൂടാതെ
വിശുദ്ധ ജലമായ
എന്ഡോസള്ഫാനെ കൊണ്ട്
ഒരു ശുദ്ധി കലശവും .
ആഹിംസായ നമ :
ആഹിംസായ നമ:
ചോരച്ച കണ്ണുകള് ..
നീരിറ്റാത്ത കണ്ണുകള്..
പകലിനെ വെറുക്കും കണ്ണുകള്..
രാത്രിയിലുണരും കണ്ണുകള് ..
കുടുംബാന്തരീക്ഷം
കലങ്ങരുതെന്നുണ്ട്.
തെളിനീരിലേ
പരല്മീന് പോലും
വെളിപ്പെടുകയുള്ളൂ .
വീതംവെക്കലിലെ
ആശ്വാസ നിശ്വാസങ്ങളില്
കാരണവര്ക്ക്
ഒരെല്ലിന് കഷ്ണം
കാഴ്ച വെക്കാറുണ്ട് .
ഒരു കുപ്പിക്കള്ളും, പശുവിറച്ചിയും .
നിലവറയില്
പൂജാ ദ്രവ്യങ്ങളോടൊപ്പം
ആഹിംസായ നമ: എന്ന മന്ത്രവും
പൂജയ്ക്ക് വെക്കും .
എന്നിട്ടല്ലേ
പുറത്തു അലമുറയിടുന്ന
തല വീര്ത്തവരെയും ,
ശരീരം കുറുകിയവരെയും,
ഇഴഞ്ഞു വന്നവനേയും,
ആട്ടിപ്പായിക്കാനാവുള്ളൂ .
കൂടാതെ
വിശുദ്ധ ജലമായ
എന്ഡോസള്ഫാനെ കൊണ്ട്
ഒരു ശുദ്ധി കലശവും .
ആഹിംസായ നമ :
ആഹിംസായ നമ:
Wednesday, April 20, 2011
ആസക്തി -- തുടര്ച്ച
ആദ്യത്തെ കൂപ്പുകുത്തി വീഴ്ചയില് തന്നെ
കരളില് കുടിയേറിയത്
വിഷാദമായിരുന്നു.
നഗ്നതയ്ക്ക് മേലെ
ഉഴറിവീണത്
താരാട്ടായത് കൊണ്ടാവാം .
ഇളംപുല്ലും, മഞ്ഞുകണവും
ചന്ദ്രികയും കോരിത്തരിച്ചിരുന്നു.
പിറവിയുടെ പൂര്ണ്ണതയില്
അനുഭവിച്ചറിയുന്നത് ,
വികാരത്തിന്റെ
വിരലനക്കങ്ങളില്
പെയ്തു നിറഞ്ഞ
തൂവെള്ള മന്ദഹാസത്തെയാണ്.
എന്നും
പടര്ന്നു കയറി
എന്നിലേക്ക്
വേരുകള് ആഴ്ത്തി
നീരൂറ്റുന്ന
നീലനയനങ്ങള്
പ്രപഞ്ചത്തിന്റെ
സത്യാവസ്ഥയുടെ പ്രതീകങ്ങള് ആവാം.
എന്റെ കാണാസരോവരങ്ങളില്
നീരാട്ടിന്റെയോളങ്ങളിളക്കി
കലക്കി മറിച്ച് പോയതാരാവാം !
ഒരു നീണ്ട മുടിയിഴയെനിക്ക്
സമ്മാനിച്ച്
വാതായനങ്ങളുടെ
തുറന്ന വിശാലതയിലേക്ക്
ഊഴ്ന്നിറങ്ങിയാതാരാവാം !
വീണ്ടും ഉറക്കച്ചടവിന്റെ
അലസനേരങ്ങളില്
ആദ്യ നിര്വൃതിയായ്
മടങ്ങി വരുന്നതോ !
ആരുമാവാം എന്നുത്തരം!
ഞാന് മാത്രമാണോയെന്ന് മറുചോദ്യം !
Wednesday, April 13, 2011
വിഷു കവിതകള്
കണി
കണി കണ്ടത്
അമ്മയുടെ ഉണങ്ങിയ
കണ്ണീര് പാടുകള് .
നിലവിളക്കിനു മുന്പില്
സമൃദ്ധിയുടെ കയ്യേറ്റം .
വിളറിയ ചിരിയാല്
ചൂടാറ്റി തന്നുവമ്മ
പാലടയും ,പാഴ്ക്കിനാവും ...
പടക്കം
ഒരു ഏറു പടക്കത്തിന്റെ
ചീറ്റിപ്പോയ ശബ്ദത്തില്
മയങ്ങികിടക്കുന്നു
എന്റെ ബാല്യവും, വിഷാദവും.
ആകാശത്തേക്കുയര്ന്ന്
നക്ഷത്രങ്ങളോട്
കിന്നാരം പറഞ്ഞു വന്ന
പടക്കത്തിനോട്
ഞാന് മഞ്ഞു തുള്ളിയുടെ
നിര്വികാരതയെ പറ്റി
ചോദിച്ചിരുന്നു.....
കൈനീട്ടം
ഒറ്റ നാണ്യം നീട്ടിയ
ചുളുങ്ങിയ കൈകളുടെ
ദാരിദ്ര്യം വിളിച്ചറിയിച്ചത്
അകത്തളത്തിലുറക്കിക്കിടത്തിയ
ദുരഭിമാനമായിരുന്നു.
സദ്യ
നാക്കിലയില് വിളമ്പിയ
റേഷനരി ചോറിന്റെ
അരുകില്
ഇഞ്ചിതൈരിന്റെ
ധാരാളിത്തം ..
കണി കണ്ടത്
അമ്മയുടെ ഉണങ്ങിയ
കണ്ണീര് പാടുകള് .
നിലവിളക്കിനു മുന്പില്
സമൃദ്ധിയുടെ കയ്യേറ്റം .
വിളറിയ ചിരിയാല്
ചൂടാറ്റി തന്നുവമ്മ
പാലടയും ,പാഴ്ക്കിനാവും ...
പടക്കം
ഒരു ഏറു പടക്കത്തിന്റെ
ചീറ്റിപ്പോയ ശബ്ദത്തില്
മയങ്ങികിടക്കുന്നു
എന്റെ ബാല്യവും, വിഷാദവും.
ആകാശത്തേക്കുയര്ന്ന്
നക്ഷത്രങ്ങളോട്
കിന്നാരം പറഞ്ഞു വന്ന
പടക്കത്തിനോട്
ഞാന് മഞ്ഞു തുള്ളിയുടെ
നിര്വികാരതയെ പറ്റി
ചോദിച്ചിരുന്നു.....
കൈനീട്ടം
ഒറ്റ നാണ്യം നീട്ടിയ
ചുളുങ്ങിയ കൈകളുടെ
ദാരിദ്ര്യം വിളിച്ചറിയിച്ചത്
അകത്തളത്തിലുറക്കിക്കിടത്തിയ
ദുരഭിമാനമായിരുന്നു.
സദ്യ
നാക്കിലയില് വിളമ്പിയ
റേഷനരി ചോറിന്റെ
അരുകില്
ഇഞ്ചിതൈരിന്റെ
ധാരാളിത്തം ..
Sunday, April 10, 2011
സൌഹൃദം
സൌഹൃദം
വാടിക്കരിഞ്ഞാലും കുഴപ്പമില്ല
ഓടി മറഞ്ഞാലും കുഴപ്പമില്ല
ഞാന് നിന്നെയുമറിയില്ല
നീ എന്നെയുമറിയില്ല..
സ്നേഹം
എന്നിലേക്ക് വലിഞ്ഞു താഴുന്ന
ദിശാബോധമില്ലാത്ത
ചിന്താ സരിത്തുകള്ക്ക്
വഴിവെട്ടി തന്ന യാത്രികന് .
നീ ഉപേക്ഷിച്ച വാക്കിന്റെ
ശൂന്യമാം പേടകങ്ങള്
എന്നെ ചുറ്റുകയാണ് ഇന്നും.....
അന്ധകാരം
ധാരണകളും
തെറ്റിധാരണകളും കൂടി
വലിച്ചിഴച്ച് ദൂരങ്ങളിലേക്ക് ...
സൌഹൃദത്തിന്റെ
ദൂര കാഴ്ചകള്
എന്റെ ദാഹം അടക്കിയിരുന്നു.
ഒരു പ്രകാശ ദൂരം പോലെ
നീയിപ്പോഴെന്റെ കാഴ്ചയില്....
വാടിക്കരിഞ്ഞാലും കുഴപ്പമില്ല
ഓടി മറഞ്ഞാലും കുഴപ്പമില്ല
ഞാന് നിന്നെയുമറിയില്ല
നീ എന്നെയുമറിയില്ല..
സ്നേഹം
എന്നിലേക്ക് വലിഞ്ഞു താഴുന്ന
ദിശാബോധമില്ലാത്ത
ചിന്താ സരിത്തുകള്ക്ക്
വഴിവെട്ടി തന്ന യാത്രികന് .
നീ ഉപേക്ഷിച്ച വാക്കിന്റെ
ശൂന്യമാം പേടകങ്ങള്
എന്നെ ചുറ്റുകയാണ് ഇന്നും.....
അന്ധകാരം
ധാരണകളും
തെറ്റിധാരണകളും കൂടി
വലിച്ചിഴച്ച് ദൂരങ്ങളിലേക്ക് ...
സൌഹൃദത്തിന്റെ
ദൂര കാഴ്ചകള്
എന്റെ ദാഹം അടക്കിയിരുന്നു.
ഒരു പ്രകാശ ദൂരം പോലെ
നീയിപ്പോഴെന്റെ കാഴ്ചയില്....
Friday, April 8, 2011
പുനര്ജനിയിലേക്ക്
അനന്തതയില് തുടിക്കുന്ന
ചെറുതിരി വെട്ടത്തിന്റെ
നിര്മ്മമമായ സ്നേഹത്തിന്റെ
വറ്റാത്ത ഒളിനിറവ്.
എന്നിലേക്ക് ചേര്ന്നൊഴുകുന്ന
തെളിനീരുറവയുടെ
കൈവഴികള് .
പിരിഞൊഴുകേണ്ടി വന്ന
നിനവുകളുടെ
അടി തെറ്റിയ കയങ്ങളില്
ഒരു ഉറവയുടെ ആദ്യദാഹം
വിതുമ്പി കൊണ്ടിരുന്നു .
അനന്തമായ കടലിന്റെ
സംഗമ ഗൃഹാതുരയില്
വേര്പിരിവിന്റെ
വലിഞ്ഞു മുറുകല് .
എന്നിലേക്ക്
പടര്ന്നു കയറുന്നത്
രാത്രിമയക്കത്തിന്റെ
നിശൂന്യതയില്
പിടഞ്ഞുണരുന്ന
ശബ്ദമില്ലാത്ത വാക്കുകളാണ്.
വാക്കുകള് ഒന്നും പറയാതെ
തല താഴ്ത്തി മടങ്ങുന്നു.
നിര്ന്നിമേഷരായി ,
പ്രത്യാശയോടെ അവര്.
ഒരു പുനര്ജനിയുടെ
കണക്കുകള്ക്കിടയില്
യാത്രാനേരം മറന്ന
സഞ്ചാരിയെപ്പോല് ഞാന്.
എന്നില് നിന്നുള്ള
ദൂരമാണിപ്പോഴും
ഞാനളന്നുകൊണ്ടിരിക്കുന്നത് .
എന്നിട്ടും..
വാക്കുകള്ക്കും,
നോട്ടങ്ങള്ക്കും,
ഒരവധി പറഞ്ഞ്
പിറന്നിടത്തേക്കുള്ള
യാത്രയിലാണ് ഞാന്.
ഒരു പുനര്ജനിയുടെ സുഖം നുകരാന്....
( ഈ കവിത എന്റെ ഒരു പ്രിയ സുഹൃത്തിനു, അനിയന്... )
Friday, April 1, 2011
ഉള്നിറവുകള്
1. ഓര്ത്തുപോയീടുക നിങ്ങള്
ഒരു തിരി കൊളുത്തിപ്പോവുക നിങ്ങള്
അഴല് തിങ്ങുമീയിരുള് മാടങ്ങളില് .
ഒരു ചിരി കൊരുത്തു പോവുക നിങ്ങള്
നിഴല് താങ്ങുമീയനന്യ വാക്കോരങ്ങളില് .
ഒരു വരി കാത്തു വെച്ചീടുക നിങ്ങള്
മഴ പെയ്തു തോരുവോളമെങ്കിലും .
ഒരു മുഖമോര്ത്തുവെച്ചുലാത്തീടുക നിങ്ങള്
കഴഞ്ചെങ്കിലുമുള്നിലാവൂറി നിറഞീടുവാന് .
2. യാചന
കവിളൊട്ടിയ ചന്ദ്രന്
പുഞ്ചിരിക്കുന്നു.
മൌനിയായ പൂവിന്റെ ഭാവമെന്നും
ഒരേ തരത്തില് നിഴലിക്കുന്നു.
ചന്ദ്രന് സ്നേഹം
വാരിക്കോരി ചൊരിയുകയല്ല.
മറിച്ച് ...
യാചനയാണ്, സ്നേഹത്തിനായ് .
ഒറ്റപ്പെടലിന്റെ നിസ്സഹായതയില് ..
അസ്തിത്വ ദുഃഖം പേറുന്ന
ചിന്തകളില് കൂടിയുള്ള
യാചനയാണ് .
സ്നേഹം... സ്നേഹം...
ഒരു തിരി കൊളുത്തിപ്പോവുക നിങ്ങള്
അഴല് തിങ്ങുമീയിരുള് മാടങ്ങളില് .
ഒരു ചിരി കൊരുത്തു പോവുക നിങ്ങള്
നിഴല് താങ്ങുമീയനന്യ വാക്കോരങ്ങളില് .
ഒരു വരി കാത്തു വെച്ചീടുക നിങ്ങള്
മഴ പെയ്തു തോരുവോളമെങ്കിലും .
ഒരു മുഖമോര്ത്തുവെച്ചുലാത്തീടുക നിങ്ങള്
കഴഞ്ചെങ്കിലുമുള്നിലാവൂറി നിറഞീടുവാന് .
2. യാചന
കവിളൊട്ടിയ ചന്ദ്രന്
പുഞ്ചിരിക്കുന്നു.
മൌനിയായ പൂവിന്റെ ഭാവമെന്നും
ഒരേ തരത്തില് നിഴലിക്കുന്നു.
ചന്ദ്രന് സ്നേഹം
വാരിക്കോരി ചൊരിയുകയല്ല.
മറിച്ച് ...
യാചനയാണ്, സ്നേഹത്തിനായ് .
ഒറ്റപ്പെടലിന്റെ നിസ്സഹായതയില് ..
അസ്തിത്വ ദുഃഖം പേറുന്ന
ചിന്തകളില് കൂടിയുള്ള
യാചനയാണ് .
സ്നേഹം... സ്നേഹം...
Saturday, March 26, 2011
Saturday, March 19, 2011
മാധ്യമ സിണ്ടിക്കെറ്റ്
ഒരു മുഴം മുന്നേ എറിഞ്ഞ വടിയില്
കാലിടറി വീണു.
നാക്ക് നീട്ടിയ വെടിയരങ്ങില്
കാതറ്റുപോയി.
തന്ത്രിമുഖ്യന് ചാട്ടുളി വീശി .
ശീലായ്മകള് വെടിഞ്ഞ്
പത്രശാലകള് ഉണര്ന്നു.
കൂട്ടം കൂടിയ ബ്രാണ്ടികുപ്പിയും
വറുത്ത കപ്പലണ്ടിയും ബാക്കി .
ഒരു കുതിപ്പ് മറന്ന് അല്ലെങ്കില്
ഒരു കുതിപ്പ് പാഴായതില്
മനം നൊന്ത്
പടയൊരുക്കത്തിന്റെ കൂട്ടായ്മ മറന്ന്
പുതു വാര്ത്തകളുടെ
രസം കൊല്ലിയെ ശപിച്ച്
പുതു വഴികള് തേടി യാത്രയാവുന്നു.
കാലിടറി വീണു.
നാക്ക് നീട്ടിയ വെടിയരങ്ങില്
കാതറ്റുപോയി.
തന്ത്രിമുഖ്യന് ചാട്ടുളി വീശി .
ശീലായ്മകള് വെടിഞ്ഞ്
പത്രശാലകള് ഉണര്ന്നു.
കൂട്ടം കൂടിയ ബ്രാണ്ടികുപ്പിയും
വറുത്ത കപ്പലണ്ടിയും ബാക്കി .
ഒരു കുതിപ്പ് മറന്ന് അല്ലെങ്കില്
ഒരു കുതിപ്പ് പാഴായതില്
മനം നൊന്ത്
പടയൊരുക്കത്തിന്റെ കൂട്ടായ്മ മറന്ന്
പുതു വാര്ത്തകളുടെ
രസം കൊല്ലിയെ ശപിച്ച്
പുതു വഴികള് തേടി യാത്രയാവുന്നു.
Thursday, March 17, 2011
ഞാനുറങ്ങാതിരിക്കുന്നു
കാവല് മാടങ്ങളുടെ
ദീനതയാണെന്റെ
ഉറക്കം കെടുത്തിയത് .
ഒരു രാത്രി മയക്കത്തിന്റെ
നേര്ത്ത ഇഴകളില് നിന്നാണ്
ഞാനെന്റെ പ്രാണനെ
വേര്പെടുത്താന് ശ്രമിച്ചത് .
പണ്ടെന്റെ സുഷുപ്തിക്കൊടുവില്
കൈവന്ന പൂര്ണ്ണത ,
പക്ഷെ അത് ശൂന്യതയില്
നിന്നുള്ള കണ്തുറക്കല് .
കണ്ണടയ്ക്കാത്ത കാഴ്ചയില്
ദുര്നിമിത്തങ്ങളുടെ
പ്രഹേളിക .
ഉറക്കം മുറിയലിന്റെ
ആദ്യ പ്രഹരത്തില്
ഞാന് കണ് തുറക്കുകയായിരുന്നു.
ഇത്തിരി കാഴ്ചവെട്ടത്തില്
മണ്ണില് മുടിയിഴഞ്ഞ
പാടുകള് പോലും
കാണുവാന് കഴിഞ്ഞു .
ആലംബമില്ലാത്ത തേങ്ങല്
പോലും കേള്ക്കുവാനും.
ഇപ്പോള്,
എന്റെ രാവുകളും, പകലുകളും
നിദ്രാ വിഹീനങ്ങളായിരിക്കുന്നു .
Wednesday, March 16, 2011
വെയിലില് അലിയുന്ന പകലുകള്
ഒരു കണ്നിറവിന്റെ
സായൂജ്യ മയക്കങ്ങളില്
ഒരു തൂവല് നനവായ്
സുഖിപ്പിച്ചു പോവുന്നു നീ.
പിന്നെയും അര്ദ്ധമയക്കത്തിന്റെ
പടവുകളിടിയുന്ന
കയറ്റിറക്കങ്ങളില്
ഒരു നൂല് വഴക്കമായെങ്കിലും നീ .
പകല്നേരങ്ങളുടെ
വിഷാദ ഗഹനതയില്
തീച്ചില്ല കുടയുന്ന
നൊവേറ്റ് മയങ്ങുമ്പോള്
ജാലകങ്ങള് തുറന്ന
ഊഷ്മാവാകുന്നു നീ .
ധനുമാസ രാത്രികളുടെ
തളിര്ക്കുന്ന
വികാരശ്രേണികളില്
മാന്ത്രിക രഹസ്യങ്ങളുടെ
നീരാളം വിരിക്കുന്നു നീ.
എന്റെ ശൃംഗാര കുതൂഹലങ്ങളില്
ഞരമ്പിഴയുന്ന
ആസക്തി രാഗങ്ങളില്
നീ പത്രങ്ങള് കൊഴിഞ്ഞ
മന്ദാരമായ് മാറിയിരിക്കുന്നു.
ഞാന് വെയിലില് കരിഞ്ഞ ശലഭം .
നീ അലസമായ് മൊഴിഞ്ഞു.
ഇന്ന് ഞാനും വെയിലില്
അലിയുന്ന പകലുകളിലേക്ക്
ചേക്കേറുന്നു.
സായൂജ്യ മയക്കങ്ങളില്
ഒരു തൂവല് നനവായ്
സുഖിപ്പിച്ചു പോവുന്നു നീ.
പിന്നെയും അര്ദ്ധമയക്കത്തിന്റെ
പടവുകളിടിയുന്ന
കയറ്റിറക്കങ്ങളില്
ഒരു നൂല് വഴക്കമായെങ്കിലും നീ .
പകല്നേരങ്ങളുടെ
വിഷാദ ഗഹനതയില്
തീച്ചില്ല കുടയുന്ന
നൊവേറ്റ് മയങ്ങുമ്പോള്
ജാലകങ്ങള് തുറന്ന
ഊഷ്മാവാകുന്നു നീ .
ധനുമാസ രാത്രികളുടെ
തളിര്ക്കുന്ന
വികാരശ്രേണികളില്
മാന്ത്രിക രഹസ്യങ്ങളുടെ
നീരാളം വിരിക്കുന്നു നീ.
എന്റെ ശൃംഗാര കുതൂഹലങ്ങളില്
ഞരമ്പിഴയുന്ന
ആസക്തി രാഗങ്ങളില്
നീ പത്രങ്ങള് കൊഴിഞ്ഞ
മന്ദാരമായ് മാറിയിരിക്കുന്നു.
ഞാന് വെയിലില് കരിഞ്ഞ ശലഭം .
നീ അലസമായ് മൊഴിഞ്ഞു.
ഇന്ന് ഞാനും വെയിലില്
അലിയുന്ന പകലുകളിലേക്ക്
ചേക്കേറുന്നു.
Tuesday, March 15, 2011
Friday, March 11, 2011
ഗ്വാണ്ടനാമോയിലെ ഉമര് ഖാദറിന്
ഉമര്
നീ ഈജിപ്തിന്റെ
മുലപ്പാലറിഞ്ഞ
തരുണന്.
നിവര്ന്നു നിന്ന്
അഹങ്കരിക്കുന്നവര് ഞങ്ങള്
ഇപ്പോള്,
കുനിഞ്ഞും, ഇഴഞ്ഞും
ദിനരാത്രങ്ങളുടെ
കനത്ത കരിങ്കല്പ്പാളികള്
പിഴുതു മാറ്റുകയാവും നീ.
തിളച്ചു മറിയുന്ന
ഉഷ്ണമാപിനിയാണോ
തടവറ !
ഏത് മനസ്സിന്റെ
ചക്രവാളങ്ങളില്
നിന്റെ ദീനസ്വരം
പ്രതിധ്വനിക്കുന്നു !
ഉമര്
നീയൊരു യാത്രികനാണ് .
കൊടും യാതനകളുടെ
പിരിയാത്ത കൂട്ടുകാരന്.
തടവറകള് വലിച്ചു കുടിച്ചു
നീര് വറ്റിയ കരിഞ്ചണ്ടി.
"പ്രപഞ്ച നാഥ"ന്റെ
പിരിച്ചകറ്റിയ
മാമൂല് വഴക്കങ്ങളില്
ബലിക്കല്ലില്
വെച്ചരച്ച
വന കുസുമം .
ഉമര്
നീ വെട്ടിയരിയപ്പെട്ട
ദര്ശന വൈവിധ്യം .
വിചാര സീമകള്ക്കപ്പുറം
നീ പറിച്ചു ചീന്തപ്പെട്ട
അനര്ഘ വാചനം .
നിന്നെ വായിച്ചറിയാന്
രോഗാതുരമായ
പടിഞ്ഞാറിനാവില്ല .
നിന്റെ മന:സഞ്ചാര വീഥികള്
നടുവൊടിഞ്ഞ
പരുത്ത യാത്രാ നിലങ്ങള്.
നിന്നില്
മുദ്ര ചാര്ത്തപ്പെട്ട
കളങ്കം
നഗ്ന രാജാവിന്റെ
തിട്ടൂരം.
കുഞ്ഞേ
ഏറ്റുവാങ്ങേണ്ടത്
ഏത് കാഹളങ്ങളാണ്?
ഏത് വാക്ക്ധോരണികള്ക്കാണ്
ഇനി ചെവിയോര്ക്കേണ്ടത് ?
നിദ്ര പറിച്ചെറിഞ്ഞ
ചിന്താ സരിത്തുകളില് നിന്നും
നീ വാറ്റിയെടുക്കുന്ന
ചുടു നിശ്വാസങ്ങള്
ലാവാസമം ..
കനത്ത സീല്ക്കാരങ്ങള്
നിന്നെ ഞരുക്കി ക്കടന്നുപോവും
എന്നറിയാം.
ചവിട്ടിക്കുഴച്ച നിന്റെ
കൌമാര രാഹിത്യം
ഊര്ന്നിറങ്ങി
നനയുന്ന രേതസ്സ് .
നിന്നിലിന്ന്
പുനര്ജീവനം
മരുപ്പൂക്കള്
വിരിയുന്ന പകല് സ്വപ്നങ്ങള്
മാത്രമോ?
(അഫ്ഗാനിസ്ഥാനില് വെച്ച് അമേരിക്കന് ബോംബാക്രമണത്തില് കൊല്ലപ്പെട്ട അഹമ്മദ് സയ്യിദ് എന്നയാളുടെ പുത്രനാണ് ഉമര് ഖാദര്. ബാപ്പ കൊല്ലപ്പെടുമ്പോള് വെറും പതിനഞ്ചു വയസ്സ് പ്രായമുള്ള ഉമര് അമേരിക്കന് സേന സര്ജന്റ് ക്രിസ്റ്റഫര് സ്പിറിനെ ഗ്രനേടെറിഞ്ഞു കൊന്നതിന്റെ പേരില് മുസ്ലീം കൊടും തീവ്രവാദിയായി മുദ്രകുത്തി കുപ്രസിദ്ധമായ ഗ്വാണ്ടനാമോ തടവറയില് വെച്ച് മൃഗീയമായി പീഡിപ്പിക്കുകയാണ്. ഇപ്പോള് വയസ്സ് ഇരുപത്തിനാല് . ഉയരം കുറഞ്ഞ മുറിയില് നടു നിവര്ത്താന് കഴിയാതെ ഇഴഞ്ഞു, നിരങ്ങിയും ഉമര്. സര്വ്വ പീഡനങ്ങളും ഏറ്റുവാങ്ങുന്ന ഉമര് ഖാദറിന്റെ ജീവിതത്തെപ്പറ്റി കാനഡയിലെ ടോറോന്റോ സ്റ്റാര് പത്രത്തിന്റെ ലേഖിക മിഷേല് ഷെഫാര്ട് അന്വേഷിച്ചറിഞ്ഞു ഒരു പുസ്തകം എഴുതിയിട്ടുണ്ട്.)
Wednesday, March 9, 2011
വിഷമല്ലാത്ത എന്ഡോസള്ഫാന്
-ഒന്ന് -
ഇവര് പറഞ്ഞവസാനിപ്പിക്കും .
അടിവരയും , ഫുള് സ്റ്റോപ്പും
ചാര്ത്തി
വിരാടപുരുഷന്മാരാകും ..
അല്ലെങ്കില്
മലം ഉരുട്ടിക്കൊണ്ടുപോവുന്ന
നികൃഷ്ട കീടങ്ങളാകും.
സമാനമായ പ്രവര്ത്തികള് തന്നെ....
-രണ്ട്-
ഉച്ചസ്ഥായിയില്
അളിഞ്ഞവായു
പുറത്തുവിടുന്ന
റിപ്പോര്ട്ട് പ്രമാണികള്.
ഓരോ തുള്ളി ജലത്തിലും
വ്യതിയാനങ്ങളില്ലാത്ത
അമൃതശുദ്ധി കണ്ടെടുക്കുന്നു.
മനുഷ്യ വിഷ സസ്യങ്ങളെ
ജനിതക തകരാറില്
കുരുക്കിയിടുന്നു.
-മൂന്ന്-
നാട്ടുവഴികളിലെ
ശൂന്യതയില് നിന്ന്
ഒരു കവിള് ശ്വാസം .
പൂത്തുലഞ്ഞ മാമ്പൂക്കളില് നിന്ന്
ഒരു കുമ്പിള് സുഗന്ധം.
കറയിറ്റുന്ന കശുമാങ്ങകളില് നിന്ന്
ജീവനൊഴിഞ്ഞ
കുഞ്ഞാത്മാക്കളുടെ
യാത്രാമൊഴികള്.
കറയിറ്റുന്ന മണ്ണിലേക്ക് ,
ജീവസരസ്സ്
വറ്റിത്താഴുമിടത്തേക്ക് ....
------------------------------
ഇവര് പറഞ്ഞവസാനിപ്പിക്കും .
അടിവരയും , ഫുള് സ്റ്റോപ്പും
ചാര്ത്തി
വിരാടപുരുഷന്മാരാകും ..
അല്ലെങ്കില്
മലം ഉരുട്ടിക്കൊണ്ടുപോവുന്ന
നികൃഷ്ട കീടങ്ങളാകും.
സമാനമായ പ്രവര്ത്തികള് തന്നെ....
-രണ്ട്-
ഉച്ചസ്ഥായിയില്
അളിഞ്ഞവായു
പുറത്തുവിടുന്ന
റിപ്പോര്ട്ട് പ്രമാണികള്.
ഓരോ തുള്ളി ജലത്തിലും
വ്യതിയാനങ്ങളില്ലാത്ത
അമൃതശുദ്ധി കണ്ടെടുക്കുന്നു.
മനുഷ്യ വിഷ സസ്യങ്ങളെ
ജനിതക തകരാറില്
കുരുക്കിയിടുന്നു.
-മൂന്ന്-
നാട്ടുവഴികളിലെ
ശൂന്യതയില് നിന്ന്
ഒരു കവിള് ശ്വാസം .
പൂത്തുലഞ്ഞ മാമ്പൂക്കളില് നിന്ന്
ഒരു കുമ്പിള് സുഗന്ധം.
കറയിറ്റുന്ന കശുമാങ്ങകളില് നിന്ന്
ജീവനൊഴിഞ്ഞ
കുഞ്ഞാത്മാക്കളുടെ
യാത്രാമൊഴികള്.
കറയിറ്റുന്ന മണ്ണിലേക്ക് ,
ജീവസരസ്സ്
വറ്റിത്താഴുമിടത്തേക്ക് ....
------------------------------
Monday, March 7, 2011
എം ടി ക്ക് ഒരു ഉപഹാരം
നാലുകെട്ടിന്റെ നെരിപ്പോടുകളില് നിന്ന്
ഇറങ്ങി വരുന്ന സാധാരണ മനുഷ്യരെ അറിയാം॥
കാലത്തിന്റെ മുറിപ്പാടുകള് ഏറ്റുവാങ്ങിയ
വേദനയുടെ നിഴല് രൂപങ്ങളെ ആശ്ലേഷിക്കാം..
അസുരവിത്ത് വീണു മുളക്കുന്ന മണ്ണില് നിന്ന്
കളകളോടൊപ്പം നീക്കം ചെയ്യാം ..
മഞ്ഞു വീണു കിടക്കുന്ന ഭൂപ്രദേശങ്ങള് താണ്ടി
നമുക്ക് സ്നേഹദൂദരാകാം ..
വിലാപയാത്രകളുടെ അവസാനം
ചവിട്ടി മെതിക്കപെട്ട
പൂക്കളും, കിനാക്കളും തൊട്ടറിയാം ..
പാതിരാവും പകല്വെളിച്ചവും ഇടകലര്ന്ന
ജീവിത പ്രഹേളികയെ അറിയാം ..
അറബിപൊന്ന് തേടിപോയി
മരുഭൂമികളില് നീരുറവ തേടുന്ന
പ്രിയപെട്ടവരെ ഓര്ക്കാം ..
രണ്ടാമൂഴം ആണെങ്കിലും
നിര്വൃതിയുടെ നിമിഷങ്ങള്
പകര്ന്നാടുന്നുണ്ടെന്നു അറിയാം..
ഇരുട്ടിന്റെ ആത്മാവും ,
ഒരിക്കലും കാണാത്ത
പെണ്ണിന് ഹൃദയവും അറിയാം..
ഓളവും തീരവും ഇണചേരുന്ന
മോഹഭംഗങ്ങള്
കാല്പ്പാടുകള്ക്ക് എന്നേ അറിയാം..
കുട്ട്യേടത്തി ഉപേക്ഷിച്ച
ഇരുമ്പു പെട്ടിയിലെ വാടാമലരുകള്
ഉള്ളറിവിന്റെ പരിഛേദം..
വാരിക്കുഴികള് തീര്ക്കുന്നവര്ക്കിടയില് ,
സ്വര്ഗം തുറക്കുന്ന സമയം
എപ്പോഴാണാവോ ?
ബന്ധനം ..
പതനം..
വാനപ്രസ്ഥം .. ഒടുവില് ..
നിന്റെ ഓര്മ്മയ്ക്ക് .. എല്ലാം സമര്പ്പിക്കുന്നു..
ഇറങ്ങി വരുന്ന സാധാരണ മനുഷ്യരെ അറിയാം॥
കാലത്തിന്റെ മുറിപ്പാടുകള് ഏറ്റുവാങ്ങിയ
വേദനയുടെ നിഴല് രൂപങ്ങളെ ആശ്ലേഷിക്കാം..
അസുരവിത്ത് വീണു മുളക്കുന്ന മണ്ണില് നിന്ന്
കളകളോടൊപ്പം നീക്കം ചെയ്യാം ..
മഞ്ഞു വീണു കിടക്കുന്ന ഭൂപ്രദേശങ്ങള് താണ്ടി
നമുക്ക് സ്നേഹദൂദരാകാം ..
വിലാപയാത്രകളുടെ അവസാനം
ചവിട്ടി മെതിക്കപെട്ട
പൂക്കളും, കിനാക്കളും തൊട്ടറിയാം ..
പാതിരാവും പകല്വെളിച്ചവും ഇടകലര്ന്ന
ജീവിത പ്രഹേളികയെ അറിയാം ..
അറബിപൊന്ന് തേടിപോയി
മരുഭൂമികളില് നീരുറവ തേടുന്ന
പ്രിയപെട്ടവരെ ഓര്ക്കാം ..
രണ്ടാമൂഴം ആണെങ്കിലും
നിര്വൃതിയുടെ നിമിഷങ്ങള്
പകര്ന്നാടുന്നുണ്ടെന്നു അറിയാം..
ഇരുട്ടിന്റെ ആത്മാവും ,
ഒരിക്കലും കാണാത്ത
പെണ്ണിന് ഹൃദയവും അറിയാം..
ഓളവും തീരവും ഇണചേരുന്ന
മോഹഭംഗങ്ങള്
കാല്പ്പാടുകള്ക്ക് എന്നേ അറിയാം..
കുട്ട്യേടത്തി ഉപേക്ഷിച്ച
ഇരുമ്പു പെട്ടിയിലെ വാടാമലരുകള്
ഉള്ളറിവിന്റെ പരിഛേദം..
വാരിക്കുഴികള് തീര്ക്കുന്നവര്ക്കിടയില് ,
സ്വര്ഗം തുറക്കുന്ന സമയം
എപ്പോഴാണാവോ ?
ബന്ധനം ..
പതനം..
വാനപ്രസ്ഥം .. ഒടുവില് ..
നിന്റെ ഓര്മ്മയ്ക്ക് .. എല്ലാം സമര്പ്പിക്കുന്നു..
Friday, February 25, 2011
ഉറങ്ങുന്ന അഗ്നിപര്വതങ്ങള്
പറഞ്ഞവസാനിപ്പിച്ചിരുന്നില്ലാരും .
തുടര്ന്ന് പറയാന്
ശ്രമിച്ചവര്ക്കൊക്കെ
വഴികാട്ടികള്
മുന്പേ പറന്നൊരാ പക്ഷികളായിരുന്നു.
കൊഴിഞ്ഞ തൂവലിന്റെ
ഋജുരേഖയില് തടവി
തന്മയത്തത്തോടെ
പിന്നീട് വന്നവരും
സമസ്യകള് പൂരിപ്പിച്ചുകൊണ്ടിരുന്നു .
രാത്രി മയക്കങ്ങളില്
ചിലര് ഞെട്ടിയുണര്ന്ന്
നിലാവിന്റെ
നിഴലനക്കങ്ങളില്
സ്വര്ഗ്ഗസംഗീതം
കേള്പ്പിച്ചുകൊണ്ടിരുന്നു.
അപരിചിതരുടെ കൂടെയുള്ള
സല്ക്കാരലാസ്യങ്ങളില്
അവര് തിരശ്ശീലക്കു പുറകില്
വിദൂഷകന്മാരായി .
വഞ്ചിതരുടെ പെരുംയാത്രകളില്
കാലിടറിയവന്റെ വിമോചനയാത്രകളില്
അവരെഴുതിയ സൂക്തവും
വായിച്ചിരുന്നുവത്രേ!
കരിഞ്ചാറ് കുടിച്ച
വഞ്ചിത രാത്രികളില്
വിലാപഗാനങ്ങള്ക്ക്
മൂളിപ്പഠിക്കുമ്പോള്
കരിന്തേള് കുത്തുന്ന
ദൂഷിതമാമോര്മ്മകളില്
കനല്ക്കണ്ണ് മറന്നു വെച്ച
നിദ്രാടനങ്ങളിലെ
ഗുഹാതീരങ്ങളും.
ഏറുമാടങ്ങളും ...
എന്നിട്ടും ....
എന്നിലേയ്ക്കമരുന്ന
തീക്കാറ്റുകള്
ഒരു യാത്രാമടക്കത്തിന്റെ
വികാര ശേഷിപ്പുകള്
അയവിറക്കിക്കൊണ്ടിരുന്നു .
തുടര്ന്ന് പറയാന്
ശ്രമിച്ചവര്ക്കൊക്കെ
വഴികാട്ടികള്
മുന്പേ പറന്നൊരാ പക്ഷികളായിരുന്നു.
കൊഴിഞ്ഞ തൂവലിന്റെ
ഋജുരേഖയില് തടവി
തന്മയത്തത്തോടെ
പിന്നീട് വന്നവരും
സമസ്യകള് പൂരിപ്പിച്ചുകൊണ്ടിരുന്നു .
രാത്രി മയക്കങ്ങളില്
ചിലര് ഞെട്ടിയുണര്ന്ന്
നിലാവിന്റെ
നിഴലനക്കങ്ങളില്
സ്വര്ഗ്ഗസംഗീതം
കേള്പ്പിച്ചുകൊണ്ടിരുന്നു.
അപരിചിതരുടെ കൂടെയുള്ള
സല്ക്കാരലാസ്യങ്ങളില്
അവര് തിരശ്ശീലക്കു പുറകില്
വിദൂഷകന്മാരായി .
വഞ്ചിതരുടെ പെരുംയാത്രകളില്
കാലിടറിയവന്റെ വിമോചനയാത്രകളില്
അവരെഴുതിയ സൂക്തവും
വായിച്ചിരുന്നുവത്രേ!
കരിഞ്ചാറ് കുടിച്ച
വഞ്ചിത രാത്രികളില്
വിലാപഗാനങ്ങള്ക്ക്
മൂളിപ്പഠിക്കുമ്പോള്
കരിന്തേള് കുത്തുന്ന
ദൂഷിതമാമോര്മ്മകളില്
കനല്ക്കണ്ണ് മറന്നു വെച്ച
നിദ്രാടനങ്ങളിലെ
ഗുഹാതീരങ്ങളും.
ഏറുമാടങ്ങളും ...
എന്നിട്ടും ....
എന്നിലേയ്ക്കമരുന്ന
തീക്കാറ്റുകള്
ഒരു യാത്രാമടക്കത്തിന്റെ
വികാര ശേഷിപ്പുകള്
അയവിറക്കിക്കൊണ്ടിരുന്നു .
Thursday, February 24, 2011
കരു
രാക്കാറ്റെറ്റ് ഉറങ്ങാതിരിക്കുമ്പോഴും
കൈനഖത്തിനു താഴെ
പ്രത്യക്ഷപ്പെടാന് പോവുന്ന
കറുത്ത പാടിനെ സ്വപ്നം
കണ്ടു കിടന്നു .
ചെവിക്കു നുള്ളിക്കോ
എന്ന് പറഞ്ഞു പോയ
അവന്റെ മുന്പില് ഞളിയേണ്ടേ .
ചെകിടടക്കി തന്ന അടിക്ക്
മറുപടി കൊടുക്കേണ്ടേ.
പക്ഷെ അവന് കൊണ്ടുതന്ന
റമ്മിന്റെ കുപ്പിയും ,
ചുളിയാത്ത നോട്ടും
എന്തിനാണാവോ?
എന്നെയെന്തിനവന് കരുവാക്കുന്നു?
കൈനഖത്തിനു താഴെ
പ്രത്യക്ഷപ്പെടാന് പോവുന്ന
കറുത്ത പാടിനെ സ്വപ്നം
കണ്ടു കിടന്നു .
ചെവിക്കു നുള്ളിക്കോ
എന്ന് പറഞ്ഞു പോയ
അവന്റെ മുന്പില് ഞളിയേണ്ടേ .
ചെകിടടക്കി തന്ന അടിക്ക്
മറുപടി കൊടുക്കേണ്ടേ.
പക്ഷെ അവന് കൊണ്ടുതന്ന
റമ്മിന്റെ കുപ്പിയും ,
ചുളിയാത്ത നോട്ടും
എന്തിനാണാവോ?
എന്നെയെന്തിനവന് കരുവാക്കുന്നു?
Friday, February 18, 2011
പകുതി കരിഞ്ഞത്
വീര്പ്പുമുട്ടലോടെയാണവന്
പറഞ്ഞവസാനിപ്പിച്ചത് .
അത് പാതി വെന്ത
ശരീരമായിരുന്നെന്ന്.
സ്ത്രീ ശരീരമായിരുന്നെന്ന് .
ക്രൂരമായൊരാലിംഗനത്തോടെ
അവന് കൂട്ടി ചേര്ത്തു.
"അവള് ഒരു ചരക്കായിരുന്നു "
പറഞ്ഞവസാനിപ്പിച്ചത് .
അത് പാതി വെന്ത
ശരീരമായിരുന്നെന്ന്.
സ്ത്രീ ശരീരമായിരുന്നെന്ന് .
ക്രൂരമായൊരാലിംഗനത്തോടെ
അവന് കൂട്ടി ചേര്ത്തു.
"അവള് ഒരു ചരക്കായിരുന്നു "
Thursday, February 17, 2011
ഒഴിഞ്ഞ ബോഗികള്
ആര്ക്കുമാരോടും
ഒരു മമതയുമില്ല .
പാളത്തിനും ചക്രത്തിനും
ഇടയ്ക്കുള്ള ഘര്ഷണം
തീപ്പൊരികള്
ഉയര്ത്തിയേക്കാം.
ഏതൊരു ശുഭയാത്രക്കുമൊടുവില്
ടിക്കറ്റിന്റെ മറുപുറം
ശാന്തമായ്
കേണുകൊണ്ടേയിരിക്കും ..
അപ്പോഴും
വട്ടമേശയ്ക്ക് ചുറ്റും
കൈയ്യടികള്
പ്രതിധ്വനിക്കുന്നുണ്ടാവും....
ഒരു മമതയുമില്ല .
പാളത്തിനും ചക്രത്തിനും
ഇടയ്ക്കുള്ള ഘര്ഷണം
തീപ്പൊരികള്
ഉയര്ത്തിയേക്കാം.
ഏതൊരു ശുഭയാത്രക്കുമൊടുവില്
ടിക്കറ്റിന്റെ മറുപുറം
ശാന്തമായ്
കേണുകൊണ്ടേയിരിക്കും ..
അപ്പോഴും
വട്ടമേശയ്ക്ക് ചുറ്റും
കൈയ്യടികള്
പ്രതിധ്വനിക്കുന്നുണ്ടാവും....
പ്രാണന്
വിട്ടു പോകുമ്പോഴാണത്രേ
അവന്റെ ദേഹം
പ്രാണനെയെത്തിപ്പിടിക്കാന്
ശ്രമിച്ചത് .
പിളര്ന്ന ചുണ്ട്
കൂട്ടി ചേര്ത്തിട്ടും
ചേര്ന്നില്ലത്രേ!
കൃഷ്ണമണികള്
മലര്ന്നു പോവുന്നത്
യാത്രാമൊഴിയിലും
അര്ദ്ധവിരാമമിട്ടത്
എന്തിനെന്നോര്ത്താണെത്രെ!
അവന്റെ ദേഹം
പ്രാണനെയെത്തിപ്പിടിക്കാന്
ശ്രമിച്ചത് .
പിളര്ന്ന ചുണ്ട്
കൂട്ടി ചേര്ത്തിട്ടും
ചേര്ന്നില്ലത്രേ!
കൃഷ്ണമണികള്
മലര്ന്നു പോവുന്നത്
യാത്രാമൊഴിയിലും
അര്ദ്ധവിരാമമിട്ടത്
എന്തിനെന്നോര്ത്താണെത്രെ!
Sunday, February 13, 2011
ആയിരത്തൊന്നു രാവുകള്
ഏതു മണിയറയിലായാലും ,
ഉറക്കത്തിന്റെ
നൂല്പ്പാലത്തിലായാലും
കഥകള് പറയാന്
മിടുക്കുള്ള ഒരു പെണ്ണുണ്ടോ ?
മണലാരണ്യത്തിലെ
ഉഷ്ണക്കാറ്റ് പറഞ്ഞ
ഒരു കഥയുണ്ട് മനസ്സില് .
ജന്മങ്ങള് പകുത്തുനെല്കിയ
ആത്മാക്കള്ക്കിടയില്
കഥകള് പറഞ്ഞു
കര്മ്മത്തിന്റെ തീക്ഷ്ണതയറിഞ്ഞവള് .
ഏതൊരു കാമാതുരനും
ഇന്നൊരു കഥയിലും
വഴിയൊതുങ്ങിപ്പോവുന്നില്ല .
എങ്കിലും...
തനിക്കു നേരെ
നടന്നടുക്കുന്നവനായ്
കഥകള് കൊണ്ടൊരമ്പ്,
ആയിരത്തൊന്നു കഥകള്
കൊണ്ടൊരമ്പ് തീര്ക്കുന്നവള്..?
ഉറക്കത്തിന്റെ
നൂല്പ്പാലത്തിലായാലും
കഥകള് പറയാന്
മിടുക്കുള്ള ഒരു പെണ്ണുണ്ടോ ?
മണലാരണ്യത്തിലെ
ഉഷ്ണക്കാറ്റ് പറഞ്ഞ
ഒരു കഥയുണ്ട് മനസ്സില് .
ജന്മങ്ങള് പകുത്തുനെല്കിയ
ആത്മാക്കള്ക്കിടയില്
കഥകള് പറഞ്ഞു
കര്മ്മത്തിന്റെ തീക്ഷ്ണതയറിഞ്ഞവള് .
ഏതൊരു കാമാതുരനും
ഇന്നൊരു കഥയിലും
വഴിയൊതുങ്ങിപ്പോവുന്നില്ല .
എങ്കിലും...
തനിക്കു നേരെ
നടന്നടുക്കുന്നവനായ്
കഥകള് കൊണ്ടൊരമ്പ്,
ആയിരത്തൊന്നു കഥകള്
കൊണ്ടൊരമ്പ് തീര്ക്കുന്നവള്..?
Saturday, February 12, 2011
എന്നിലെ സാമൂഹ്യപാഠം
വലിയൊരു നിലവിളി
കേട്ടാണ് ഞാനുണര്ന്നത് .
അതയല്പ്പക്കത്തിന്നായിരുന്നു.
വീണ്ടുമുറങ്ങാന് കിടന്നു.
പിന്നീടൊരു തേങ്ങല്
കേട്ടാണുണര്ന്നത് .
ഏറെ പരതിയപ്പോള്
കണ്ടെത്തി.
അതെന്റെ ഡയറിയില്
നിന്നായിരുന്നു.
ഞാന് ജാകരൂഗനായി
ഉറങ്ങാതെയതിനു
ചെവിയോര്ത്തിരുന്നു...
Monday, February 7, 2011
കുരുത്തംകെട്ടവന്
സഞ്ചാര സ്മൃതികളുണ്ടേറെ ..
പഴകിയ വിഴുപ്പു കെട്ടില്
മുഷിഞ്ഞ പ്രമാണങ്ങളും .
വഴികളിലേറെ കണ്ടത്
ഉമിനീരൊലിപ്പിച്ച
പുരുഷനെയും ,
തരളിതയായ
സ്ത്രീയെയുമാണ്.
കാട്ടുപക്ഷിയുടെ ചോരയില്
ചുണ്ടും, മുഖവും ചേര്ക്കുന്നവന്.
നഖങ്ങള് നീട്ടി വളര്ത്തുന്നത്
മാറിടങ്ങളെ കൊളുത്താനാണത്രെ!
തള്ള വിരല് ചുഴറ്റുന്നത്
നാഭിക്കുഴിയെ തേടിയാണത്രെ !
പുഴുവരിക്കുന്ന
ജനനേന്ദ്രിയം കാട്ടി
അവന് ഇന്നും ഓവര് ബ്രിഡ്ജിനു താഴെ...!
ഒരു തെരുവില് നിന്നും
കരകയറാനാവാതെ
അവളും.
അവള് അവസാനം പറഞ്ഞത്
അസംഭാവ്യമായെങ്കില് .
കൃത്രിമമായ ശ്വാസോച്ഛാസത്തോടെ
ഒടുക്കം നിന്റെതായെങ്കിലോ എന്നാ
പ്രതീക്ഷ.
പഴകിയ വിഴുപ്പു കെട്ടില്
മുഷിഞ്ഞ പ്രമാണങ്ങളും .
വഴികളിലേറെ കണ്ടത്
ഉമിനീരൊലിപ്പിച്ച
പുരുഷനെയും ,
തരളിതയായ
സ്ത്രീയെയുമാണ്.
കാട്ടുപക്ഷിയുടെ ചോരയില്
ചുണ്ടും, മുഖവും ചേര്ക്കുന്നവന്.
നഖങ്ങള് നീട്ടി വളര്ത്തുന്നത്
മാറിടങ്ങളെ കൊളുത്താനാണത്രെ!
തള്ള വിരല് ചുഴറ്റുന്നത്
നാഭിക്കുഴിയെ തേടിയാണത്രെ !
പുഴുവരിക്കുന്ന
ജനനേന്ദ്രിയം കാട്ടി
അവന് ഇന്നും ഓവര് ബ്രിഡ്ജിനു താഴെ...!
ഒരു തെരുവില് നിന്നും
കരകയറാനാവാതെ
അവളും.
അവള് അവസാനം പറഞ്ഞത്
അസംഭാവ്യമായെങ്കില് .
കൃത്രിമമായ ശ്വാസോച്ഛാസത്തോടെ
ഒടുക്കം നിന്റെതായെങ്കിലോ എന്നാ
പ്രതീക്ഷ.
Tuesday, January 25, 2011
സൂര്യനെ തേടുന്ന കണ്ണുകള്
കണ്ണുകള് എപ്പോഴും
തുറന്നു വെയ്ക്കാനാണാഗ്രഹം .
ഇമയനങ്ങാതെ .
കരടുകള് തീര്ക്കുന്ന
ഓരോ ദുരന്തങ്ങള്ക്കും
ഇന്ന് ദൂരങ്ങളില്പ്പോലും
തീര്പ്പ് കല്പ്പിക്കാനാവുന്നില്ല.
നിന്റെ മിഴികളില് ഞാന് കണ്ടതും
പാഴ് മരങ്ങളുടെ നിഴല് .
നഷ്ടപ്പെട്ട വനാന്തര്ഭാഗത്തെ
പൊളിഞ്ഞ കാവല്മാടവും ,
പുല്ക്കുടിലും, മാന്പേടയും..
സൌഹൃദത്തിന്റെ കണ്ണിലൂടെ
നിന്നെ നോക്കുമ്പോഴെല്ലാം
കുളമ്പടിച്ച് കുതറുന്ന
ഒരു കുതിരയെ കാണാം .
കടിഞ്ഞാണില്ലെങ്കിലും
കെട്ടിയിടപ്പെട്ട
കുതിപ്പിന്റെ പ്രസരിപ്പറിയാം..
കണ്ണുകള് ഏറെ പറയുമത്രേ .
വാക്കിന്റെ സഞ്ചാര പഥങ്ങളില്
വരി തെറ്റാതെ
ഓരോ രാത്രിയിലും
അവയെന്നോട് സംസാരിക്കാറുണ്ട്.
സ്നേഹത്തിന്റെ തിളക്കം ,
ചതിയുടെ മാറാട്ടം ,
ഇണക്കങ്ങളുടെ വേഗതയും ,
പിണക്കങ്ങളുടെ രൌദ്രതയും വരെ
തീര്പ്പ് കല്പ്പിക്കുമിടം.
കണ്ണടഞ്ഞ സ്നേഹ രാഹിത്യത്തിന്റെ
തെരുവ് സ്പോടനങ്ങളിലും
തുറന്ന കണ്ണുമായ് അനേകര്..
കൃഷ്ണമണിയുടെ
ആലംബമില്ലാത്ത തേങ്ങല്
ഇന്നെന്നെ തളര്ത്തുന്നു.
കറുപ്പിന്റെ ശൂന്യതയില്
വന്യമായ ഒരു നിലവിളി...
കാഴ്ച മടുത്ത
എന്റെ ലോകത്തിലേക്ക്
ഉള്ക്കാഴ്ചയുടെ തിട്ടൂരമായ്
ഒരാള് കൂടി ഇനി വരാനുണ്ട്..
എന്നെ കുടഞ്ഞു വീഴ്ത്തുന്ന ,
കണ്ണേറ് തട്ടിച്ചു തളര്ത്തുന്ന
ആത്മാക്കള്ക്ക് നേരെ
പിടയുന്ന സത്യമായ്
നീ തുറിച്ചു നോക്കുക....
തുറന്നു വെയ്ക്കാനാണാഗ്രഹം .
ഇമയനങ്ങാതെ .
കരടുകള് തീര്ക്കുന്ന
ഓരോ ദുരന്തങ്ങള്ക്കും
ഇന്ന് ദൂരങ്ങളില്പ്പോലും
തീര്പ്പ് കല്പ്പിക്കാനാവുന്നില്ല.
നിന്റെ മിഴികളില് ഞാന് കണ്ടതും
പാഴ് മരങ്ങളുടെ നിഴല് .
നഷ്ടപ്പെട്ട വനാന്തര്ഭാഗത്തെ
പൊളിഞ്ഞ കാവല്മാടവും ,
പുല്ക്കുടിലും, മാന്പേടയും..
സൌഹൃദത്തിന്റെ കണ്ണിലൂടെ
നിന്നെ നോക്കുമ്പോഴെല്ലാം
കുളമ്പടിച്ച് കുതറുന്ന
ഒരു കുതിരയെ കാണാം .
കടിഞ്ഞാണില്ലെങ്കിലും
കെട്ടിയിടപ്പെട്ട
കുതിപ്പിന്റെ പ്രസരിപ്പറിയാം..
കണ്ണുകള് ഏറെ പറയുമത്രേ .
വാക്കിന്റെ സഞ്ചാര പഥങ്ങളില്
വരി തെറ്റാതെ
ഓരോ രാത്രിയിലും
അവയെന്നോട് സംസാരിക്കാറുണ്ട്.
സ്നേഹത്തിന്റെ തിളക്കം ,
ചതിയുടെ മാറാട്ടം ,
ഇണക്കങ്ങളുടെ വേഗതയും ,
പിണക്കങ്ങളുടെ രൌദ്രതയും വരെ
തീര്പ്പ് കല്പ്പിക്കുമിടം.
കണ്ണടഞ്ഞ സ്നേഹ രാഹിത്യത്തിന്റെ
തെരുവ് സ്പോടനങ്ങളിലും
തുറന്ന കണ്ണുമായ് അനേകര്..
കൃഷ്ണമണിയുടെ
ആലംബമില്ലാത്ത തേങ്ങല്
ഇന്നെന്നെ തളര്ത്തുന്നു.
കറുപ്പിന്റെ ശൂന്യതയില്
വന്യമായ ഒരു നിലവിളി...
കാഴ്ച മടുത്ത
എന്റെ ലോകത്തിലേക്ക്
ഉള്ക്കാഴ്ചയുടെ തിട്ടൂരമായ്
ഒരാള് കൂടി ഇനി വരാനുണ്ട്..
എന്നെ കുടഞ്ഞു വീഴ്ത്തുന്ന ,
കണ്ണേറ് തട്ടിച്ചു തളര്ത്തുന്ന
ആത്മാക്കള്ക്ക് നേരെ
പിടയുന്ന സത്യമായ്
നീ തുറിച്ചു നോക്കുക....
Friday, January 21, 2011
ഒഴുകാത്ത ജലം
പുലര്കാല സ്വപ്നത്തിന്റെ
തെളിഞ്ഞ വിശാലതയില്
പതിവുതെറ്റാതെ വന്നിരുന്നൊരു
പൂവിന്റെ ജീവിതവും, മരണവും.
തേഞ്ഞുതീര്ന്ന കൌമാരത്തിന്റെ
ഇരുണ്ട വനസ്ഥലികളിലെ,
നിഗൂഡ യാത്രവഴികളിലെ
കല്പ്പടവുകളിടിഞ്ഞ കുളം .
ഇരുള് പരന്ന കുളം,
പായല് നിറഞ്ഞത് ,
ഒറ്റ പൂ മാത്രം വിരിഞ്ഞത്,
മധ്യത്തില് വിടര്ന്ന കണ്ണുകള്.....
കണ്ണടയുന്ന ഏതോ നിമിഷങ്ങളില്
ദളങ്ങളടര്ന്നത് , അലിഞ്ഞു താഴുന്നു ...
മിഴിദളങ്ങള് പോലും ....
പായലുകള് വകഞ്ഞു മാറ്റിയ
സ്വപ്നവും യാഥാര്ധ്യങ്ങളും
ശുദ്ധമണലിന്നടിയില്
പടര്ന്നലിഞ്ഞ പൂവിനെ
കാണിച്ചു തന്നുകൊണ്ടിരുന്നു....
എന്നും... എപ്പോഴും...
തെളിഞ്ഞ വിശാലതയില്
പതിവുതെറ്റാതെ വന്നിരുന്നൊരു
പൂവിന്റെ ജീവിതവും, മരണവും.
തേഞ്ഞുതീര്ന്ന കൌമാരത്തിന്റെ
ഇരുണ്ട വനസ്ഥലികളിലെ,
നിഗൂഡ യാത്രവഴികളിലെ
കല്പ്പടവുകളിടിഞ്ഞ കുളം .
ഇരുള് പരന്ന കുളം,
പായല് നിറഞ്ഞത് ,
ഒറ്റ പൂ മാത്രം വിരിഞ്ഞത്,
മധ്യത്തില് വിടര്ന്ന കണ്ണുകള്.....
കണ്ണടയുന്ന ഏതോ നിമിഷങ്ങളില്
ദളങ്ങളടര്ന്നത് , അലിഞ്ഞു താഴുന്നു ...
മിഴിദളങ്ങള് പോലും ....
പായലുകള് വകഞ്ഞു മാറ്റിയ
സ്വപ്നവും യാഥാര്ധ്യങ്ങളും
ശുദ്ധമണലിന്നടിയില്
പടര്ന്നലിഞ്ഞ പൂവിനെ
കാണിച്ചു തന്നുകൊണ്ടിരുന്നു....
എന്നും... എപ്പോഴും...
Wednesday, January 19, 2011
തീരാനഷ്ടം
ഒരിക്കല് കണ്ണ് തുറന്നതാണ്.
അപ്പോള് എതിര് ദിശയിലെ കണ്ണില്
തിളക്കം കണ്ടതാണ്.
എന്നിട്ടും
അവയവങ്ങള് പറിച്ചെടുത്ത്
ഞങ്ങളെ അലയാന് വിട്ടതാണ്.
പക്ഷെ ആ അലച്ചില്
ഇന്നും ചേര്ന്നു തന്നെയാണ്...
അതാണല്ലോ
അവന്റെ മാറില് നിന്ന്
കൈ പറിച്ചെറിഞ്ഞ്
അവള് ഓടി വന്നെന്നെ
പുണര്ന്നു പറഞ്ഞത്.
ഞാനെന്നും നിന്റെതാണെന്ന്....
അപ്പോള് എതിര് ദിശയിലെ കണ്ണില്
തിളക്കം കണ്ടതാണ്.
എന്നിട്ടും
അവയവങ്ങള് പറിച്ചെടുത്ത്
ഞങ്ങളെ അലയാന് വിട്ടതാണ്.
പക്ഷെ ആ അലച്ചില്
ഇന്നും ചേര്ന്നു തന്നെയാണ്...
അതാണല്ലോ
അവന്റെ മാറില് നിന്ന്
കൈ പറിച്ചെറിഞ്ഞ്
അവള് ഓടി വന്നെന്നെ
പുണര്ന്നു പറഞ്ഞത്.
ഞാനെന്നും നിന്റെതാണെന്ന്....
Saturday, January 1, 2011
മയക്കിത്തിനൊടുവില്
എന്റെ കൈത്തണ്ടയില്
കിടന്നാണ് അവന്
ഉറങ്ങിയിരുന്നത്.
അര്ദ്ധ മയക്കം...
ഇടക്കെപ്പോഴോ പിറുപിറുത്തുകൊണ്ടിരുന്നു.
മരവിച്ച കൈയ്യിന്റെ
അറിയാത്ത ചലനങ്ങളില്
ഞാന് വേപധു പൂണ്ടിരുന്നില്ല .
മയക്കത്തിനൊടുവില്
തടിച്ച കണ്പോളകള് തുറന്ന്
അവനെന്നെ വീണ്ടും പുണര്ന്നു.
തടിച്ച ഫ്രൈമുള്ള കണ്ണട
ധരിച്ച് അവന് പോകാനൊരുങ്ങി .
പ്രാകൃതമായ ഒരു ചിരി
കണ്ടോ ഞാന് അവനില്?
കിടന്നാണ് അവന്
ഉറങ്ങിയിരുന്നത്.
അര്ദ്ധ മയക്കം...
ഇടക്കെപ്പോഴോ പിറുപിറുത്തുകൊണ്ടിരുന്നു.
മരവിച്ച കൈയ്യിന്റെ
അറിയാത്ത ചലനങ്ങളില്
ഞാന് വേപധു പൂണ്ടിരുന്നില്ല .
മയക്കത്തിനൊടുവില്
തടിച്ച കണ്പോളകള് തുറന്ന്
അവനെന്നെ വീണ്ടും പുണര്ന്നു.
തടിച്ച ഫ്രൈമുള്ള കണ്ണട
ധരിച്ച് അവന് പോകാനൊരുങ്ങി .
പ്രാകൃതമായ ഒരു ചിരി
കണ്ടോ ഞാന് അവനില്?
Subscribe to:
Posts (Atom)